Sual: Hüquqi şəxslərə tətbiq edilən cinayət-hüquqi tədbirlərin növləri hansılardır?

Cavab: Hüquqi şəxslərə tətbiq edilən cinayət-hüquqi tədbirlər aşağıdakılardır:

1. cərimə;

2. xüsusi müsadirə;

3. hüquqi şəxsi müəyyən fəaliyyətlə məşğul olma hüququndan məhrum etmə;

4. hüquqi şəxsi ləğv etmə.

Xüsusi müsadirə Cinayət Məcəlləsinin 15-1-ci fəsli ilə müəyyən edilmiş qaydada tətbiq edilir. 

Hüquqi şəxsi ləğv etmə cinayət-hüquqi tədbiri yalnız əsas, cərimə həm əsas, həm də əlavə, hüquqi şəxsi müəyyən fəaliyyətlə məşğul olma hüququndan məhrum etmə və xüsusi müsadirə yalnız əlavə cinayət-hüquqi tədbir növü kimi tətbiq olunur.

Sualı cavablandırdı: Naxçıvan Muxtar Respublikası Prokurorunun Mətbuat xidməti üzrə köməkçisi, ədliyyə müşaviri - Səttar Əsgərov