Gürcüstanın Baş naziri İrakli Kobaxidze Azərbaycan Baş naziri Əli Əsədova məktub ünvanlayıb.

"NAXÇIVANXƏBƏRLƏRİ" məlumat verir ki, bu barədə Nazirlər Kabineti məlumat yayıb.

Qeyd edilib ki, məktubda Gürcüstanda keçirilmiş parlament seçkilərində əldə olunmuş qələbə münasibətilə Ə.Əsədovun Kobaxidzeyə göndərdiyi təbrikə görə minnətdarlıq ifadə edilib:

"Fürsətdən istifadə edərək Gürcüstanla Azərbaycan arasında möhkəm tərəfdaşlıq əlaqələrini daha da gücləndirmək üçün hazır olduğumuzu bir daha təsdiqləmək istəyirəm. Ölkələrimiz arasındakı strateji münasibətlər regionda sülh və sabitlik üçün olduqca əhəmiyyətlidir və inanıram ki, birgə səylərimizlə, bütün sahələrdə gələcək əməkdaşlığımız daha da möhkəmlənəcəkdir".