Noyabrın 5-də NDU Naxçıvan Musiqi Kollecində tələbələr arasında 8 noyabr-"Zəfər Günü" ilə əlaqədar "Şanlı tariximiz" mövzusunda intelektual oyun keçirilib.

"NAXÇIVANXƏBƏRLƏRİ" məlumat verir ki, tədbirdə giriş sözü ilə çıxış edən Naxçıvan Musiqi Kollecinin direktor müavini Fətəli Axundzadə bildirmişdir ki, İntelektual yarışın keçirilməsində məqsəd-tələbələrin vətənpərvər ruhda böyümələri, tarix bilgiləri, dünyagörüşləri, əlamətdar günlərə münasibəti, Zəfər gününün önəm və əhəmiyyətini dərk etmələridir.

Oyunda 4 komanda : "Zəfər", "Şuşa", "Qarabağ", "Dəmir yumruq" komandaları iştirak etmişdir. Oyun 3 mərhələdən, hər mərhələ 10 sualdan ibarət olmuşdur. "Qarabağ" komandası I yerə, "Şuşa" komandası II yerə, "Dəmir yumruq" komandası III yerə, "Zəfər"komandası IV yerə layiq görülmüşdür. Qaliblər diplomlarla təltif olunmuşlar.

Belə tədbirlərin keçirilməsi tələbələrdə vətənpərvərlik ruhunun yüksəldilməsinə xidmət edir.