Aydın Şahsuvarov 19 yanvar 1931-ci ildə Naxçıvan şəhərində  anadan olmuşdur. 1954-cü ildən Cəlil Məmmədquluzadə adına Naxçıvan Dövlət Milli Dram Teatrında fəaliyyət göstərib. 

"NAXÇIVANXƏBƏRLƏRİ" məlumat verir ki, 1967–1968-ci illərdə Cəfər Cabbarlı adına İrəvan Azərbaycan Teatrının aktyoru olub. Naxçıvandakı "Cavid poeziya teatrı"nda da fəaliyyət göstərib. Şeyx Əhməd ("Ölülər", C. Məmmədquluzadə), Şeyx Nəim ("Şeyx Sənan", H. Cavid),Altunbay ("Od gəlini", C. Cabbarlı),Şahbaz bəy ("Eşq və intiqam", S. S. Axundov),Vidadi ("Vaqif", Səməd Vurğun),Təhmas bəy ("Qaçaq Nəbi", S. Rüstəm),kor padşah ("Kor padşah", N. Hikmət),markiz ("Mehmanxana sahibəsi", K. Qoldoni),Topal Teymur ("Əlincə qalası", H. Arzulu),Xətib ("Məshəti", K. Ağayeva) və başqa obrazları ustalıqla yaradıb. 1974-cü ildə "Azərbaycan SSR əməkdar artisti", 1984-cü ildə isə "Azərbaycan SSR xalq artisti" fəxri adalrına layiq görülüb. 

Aydın Şahsuvarov 2 iyun 1986-cı ildə Naxçıvanda  vəfat etmişdir.