Naxçıvan Muxtar Respublikası Ədliyyə Nazirliyinin İstintaq bölməsi məhkəmənin qanuni qüvvəyə minmiş qətnaməsi ilə müəyyən olunmuş alimenti qərəzli şəkildə ödəməyən şəxs barəsində Azərbaycan Respublikası Cinayət Məcəlləsinin 306.1-ci maddəsi ilə cinayət işi açıb.

"NAXÇIVANXƏBƏRLƏRİ" məlumat verir ki, həmin şəxs axtarışda olduğu müddətdə saxlanılaraq istintaqa cəlb edilib. İstintaq bölməsinin vəsatəti və prokurorun təqdimatı əsasında Naxçıvan Şəhər Məhkəməsi onun barəsində 3 ay müddətinə həbs qətimkan tədbiri seçib.

Qeyd edək ki, aliment öhdəliyinin icrasından yayınma uşağın mənafelərinin pozulmasına səbəb olduğuna görə belə halların qarşısının alınması daim nəzarətdə saxlanılır və qanunamüvafiq tədbirlər görülür.