![Klaar: Aİ Ermənistan-Azərbaycan danışıqlar prosesini tam dəstəkləyir](http://admin.naxcivanxeberleri.com/storage/uploads/images/blog/klaar-ai-ermenistan-azerbaycan-danisiqlar-prosesini-tam-destekleyir-1713800412.jpg)
Klaar: Aİ Ermənistan-Azərbaycan danışıqlar prosesini tam dəstəkləyir
Ermənistanın baş naziri Nikol Paşinyan Avropa İttifaqının (Aİ) Cənubi Qafqaz və Gürcüstanda böhran üzrə xüsusi nümayəndəsi Toyvo Klaarı qəbul edib.
NAXCİVANXEBERLERİ.COM Ermənistan KİV-ə istinadən xəbər verir ki, bu barədə Ermənistan baş nazirinin aparatının informasiya və ictimaiyyətlə əlaqələr şöbəsi məlumat yayıb.
Görüşdə Aİ-nin İrəvandakı səfiri Vasilis Maraqos da iştirak edib.
Qeyd edilib ki, görüş zamanı regional vəziyyət, Ermənistan və Azərbaycan arasında sülh sazişi üzrə danışıqlar və sərhədlərin delimitasiyası prosesinə toxunulub. Ermənistan-Avropa İttifaqı arasında əməkdaşlıq və onun gələcək inkişafı məsələləri müzakirə edilib.
T.Klaar bir daha qeyd edib ki, Aİ Ermənistan-Azərbaycan danışıqlar prosesini, eləcə də Alma-Ata Bəyannaməsi əsasında Azərbaycan və Ermənistan arasında sərhədlərin delimitasiyası haqqında razılaşmanı tam dəstəkləyir.
Mənsurə Hümbətova