Azərbaycan Milli Məclisinin nümayəndə heyəti Brüsselə səfər çərçivəsində NATO-nun Kütləvi Qırğın Silahlarına Nəzarət Departamentinin direktoru Eyrini Lemos-Maniati ilə danışıqlar aparıb.

"NAXÇIVANXƏBƏRLƏRİ" məlumat verir ki, bu barədə Azərbaycanın NATO yanındakı nümayəndəliyi məlumat yayıb.

Tərəflər “Sülh naminə tərəfdaşlıq” proqramı çərçivəsində əməkdaşlığı müzakirə edib, həmçinin Azərbaycanın işğaldan azad edilmiş ərazilərində minalarla çirklənmə probleminə toxunublar.

Görüş iştirakçıları Azərbaycan ilə NATO arasında humanitar minatəmizləmə sahəsində əməkdaşlığın perspektivləri ətrafında fikir mübadiləsi aparıblar.