![Alen Simonyan: ATƏT-in Minsk qrupu buraxıla bilər](http://admin.naxcivanxeberleri.com/storage/uploads/images/blog/alen-simonyan-atet-in-minsk-qrupu-buraxila-biler-1717780518.jpg)
Alen Simonyan: ATƏT-in Minsk qrupu buraxıla bilər
Beynəlxalq danışıqlar formatı olan ATƏT-in Minsk qrupu Ermənistanla Azərbaycan arasında sülh sazişi imzalandıqdan sonra buraxıla bilər.
"NAXÇIVANXƏBƏRLƏRİ" TASS-a istinadən xəbər verir ki, bu barədə Ermənistan parlamentinin spikeri Alen Simonyan bildirib.
“Sülh sazişi imzalanandan sonra Minsk Qrupunun mənası itəcək. Sülh sazişindən sonra bu məsələ də həll olunacaq”, - o qeyd edib.
Qeyd edək ki, Azərbaycan Prezidenti İlham Əliyev TÜRKPA-ya üzv ölkələrin parlament sədrləri ilə keçirilən görüşdə bildirib ki, rəsmi Bakı İrəvana təklif edib ki, ATƏT-in Minsk qrupunun ləğv edilməsi ilə bağlı Azərbaycan və Ermənistan ATƏT-ə birgə müraciət etsin: “Minsk qrupuna heç bir ehtiyac yoxdur, o, indi fəaliyyət göstərmir”.