Naxçıvan Muxtar Respublikası səhiyyə naziri Samiq Sadıxov bu gün Culfa Rayon İcra Hakimiyyətinin inzibati binasında vətəndaş qəbulu keçirib.

"NAXÇIVANXƏBƏRLƏRİ" məlumat verir ki, qəbuldan əvvəl, nazir Samiq Sadıxov və Culfa Rayon İcra Hakimiyyətinin Başçısının müavini, icra hakimiyyəti başçısı vəzifələrini müvəqqəti icra edən Sara Hüseynova ümummilli lider Heydər Əliyevin büstü önünə gül dəstələri qoyaraq onun əziz xatirəsini yad ediblər.

Nazirliyin müvafiq struktur bölmə rəhbərləri və Culfa Rayon İcra Hakimiyyətinin nümayəndəsi Elçin Məmmədəliyevin iştirak etdiyi qəbulda 20-dən artıq vətəndaşın müraciətinə baxılıb. Müraciətlərin bir qismi yerindəcə həll edilib, bəzilərinin isə qanunvericiliyə uyğun şəkildə qiymətləndirilməsi üçün aidiyyəti struktur bölmə rəhbərlərinə müvafiq tapşırıqlar verilib.