Naxçıvan şəhər 10 nömrəli tam orta məktəbdə 44 günlük Vətən müharibəsində şəhidlik zirvəsinə ucalmış qəhrəmanlarımızdan Hafis Qasımov, İslam Eyvazov, Vəli Quliyev, Səbuhi Tağıyev, Məmmədzadə Pərviz və Elçin İbrahimovun adları verilmiş sinflərin açılış mərasimi keçirilib.

Tədbiri giriş sözü ilə Məftunə İbrahimova açdıqdan sonra Azərbaycan Respublikasının ərazi bütövlüyü uğrunda gedən döyüşlərdə şəhid qəhrəmanların əziz xatirəsi bir dəqiqəlik sükutla yad edilib. Dövlət himni səsləndirilib.

Sonra Naxçıvan şəhər Təhsil şöbəsinin müdiri Təhminə Mustafayeva, Naxçıvan şəhər İcra hakimiyyətində Şəhid, Qazi və Veteranlarla iş üzrə şöbənin müdiri İsmayıl Gülməmmədov çıxış edərək Azərbaycan torpağının yetişdirdiyi qəhrəman övladlarının illərdir vətənlərinin ərazi bütövlüyü uğrunda göstərdikləri şücaətlərdən danışıblar.

Qeyd olundu ki, müasir dövrün ən parlaq qələbələrindən olan 44 günlük Vətən müharibəsindən əvvəlki illərdə və anti terror əməliyyatlarında cəsur döşüçülərimizin göstərdiyi qəhrəmanlıqlar uzun illər danışılacaq. Şəhidlərimizin əziz xatirəsi hər zaman xalqımızın qəlbində yaşayacaq.

Məktəblilər adları siniflərə verilmiş şəhidlərimizin həyatı və döyüş yoludan danıb, şəhidlərimizə həsr edilmiş şeirləri səsləndiriblər. Hazırladıqları səhnəcikləri təqdim ediblər.

Tədbirə dəvət olunmuş şəhidlərin valideyinlərindən Aytən Eyvazova, Kamal Quliyev, Cavanşir Qasımov, Fəxrəddin İbrahimov çıxış edərək orta məktəblərdə şəhidlərimizin adlarının əbədiləşdirilməsi üçün görülən tədbirləri yüksək qiymətləndirərək bu təşəbbüsə görə məktəb direktoruna, sinf rəhbərlərinə, valideynlərə və məktəblilərə təşəkkürlərini bildiriblər.

Müəllim heyyəti də şəhid ailələri qarşısında çıxış edərək şəhidlərimizin tanınması, onların göstərdiyi qəhrəmanlıqların yetişməkdə olan nəsilə aşılamaq üçün bundan sonra da fəal işləyəcəkləruni bildirdilər.

Sonra şəhid adları siniflərin açılışı olub, xatirə fotoları çəkdirilib.

Bəxtiyar ƏLİYEV

Azərbaycan Jurnalistlər Birliyinin üzvü,

Naxçıvan Şəhid Ailələri ictimai birliyinin mətbuat katibi