Naxçıvan Muxtar Respublikası Gənclər və İdman Nazirliyinin saytı “GOV.AZ” zonasına köçürülüb

Naxçıvan Muxtar Respublikası Gənclər və İdman Nazirliyinin saytı “GOV.AZ” zonasına köçürülüb

03 İyun 2023

Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti tərəfindən Naxçıvan Muxtar Respublikasının Gənclər və İdman Nazirliyinin elektron informasiya resursu yeni “nmys.gov.az” domen adı ilə AzStateNet şəbəkəsinə köçürülüb.

Mətbuat xidmətindən NAXCİVANXEBERLERİ.COM-a verilən məlumata əsasən, yenilənmiş internet səhifəsi Naxçıvan Muxtar Respublikası Rabitə və Yeni Texnologiyalar Nazirliyinin mühəndis-proqramçıları tərəfindən müasir proqramlaşdırma dillərindən istifadə edilərək hazırlanıb.

Saytın SSL (təhlükəsizlik) sertifikatı ilə təmin olunması, optimizasiyası (SEO-Search Engine Optimization) axtarış sistemlərinə uyğunlaşdırılması, Google axtarış sistemində qeydiyyatdan keçirilməsi və axtarış sistemlərində ön sıralarda tapılması üçün Nazirliyin mühəndisləri tərəfindən zəruri texniki tədbirlər həyata keçirilib. Həmçinin, saytın domen ünvanı da müvafiq qaydada yenilənməklə domenə bağlı e-poçt adresi ilə təmin ediləcəkdir.

Qeyd edək ki, Naxçıvan Muxtar Respublikası Rabitə və Yeni Texnologiyalar Nazirliyi tərəfindən muxtar respublikada dövlət orqanlarının internet səhifələrinin yenilənməsi ilə bağlı müvafiq tədbirlər davam etdirilir.