![“Barselona” klubunun futbolçusu tarixə düşüb](http://admin.naxcivanxeberleri.com/storage/uploads/images/blog/barselona-klubunun-futbolcusu-tarixe-dusub-1707719716.jpg)
“Barselona” klubunun futbolçusu tarixə düşüb
İspaniyanın “Barselona” klubunun futbolçusu Lamin Yamal tarixə düşüb.
NAXCİVANXEBERLERİ.COM-un məlumatına görə, gənc yarımmüdafiəçi La Liqanın XXIV turunda “Qranada” ilə oyunda dubl edərək buna nail olub.
Bununla 16 yaşlı hücumameyilli oyunçu cari mövsüm ölkə çempionatında qol sayını 3-ə çatdırıb. Yamaldan əvvəl La Liqa tarixində heç kim 17 yaşına çatana qədər rəqib qapılarından 3 top keçirməmişdi. İker Muniain və Ansu Fati 2 qol vurmağı bacarıblar.
Qeyd edək ki, “Barselona” hazırda 51 xalla turnir cədvəlinin 3-cü pilləsində qərarlaşıb.
Mənsurə Hümbətova