![Zəruri müdafiə hansı hallarda cinayət məsuliyyəti yaratmır? -](http://admin.naxcivanxeberleri.com/storage/uploads/images/blog/zeruri-mudafie-hansi-hallarda-cinayet-mesuliyyeti-yaratmir-1721372409.jpg)
Zəruri müdafiə hansı hallarda cinayət məsuliyyəti yaratmır? - HÜQUQ MƏSLƏHƏTİ
Sual: Zəruri müdafiə hansı hallarda cinayət məsuliyyəti yaratmır?
Cavab: Zəruri müdafiə vəziyyətində, yəni özünü müdafiə edənin və ya başqa şəxsin həyatını, sağlamlığını və hüquqlarını, dövlətin və cəmiyyətin mənafelərini qəsd edənə zərər vurmaq yolu ilə ictimai təhlükəli qəsddən qoruyarkən törədilmiş hərəkət, zəruri müdafiə həddini aşmamışdırsa, cinayət sayılmır.
Peşə və ya digər xüsusi hazırlığından və qulluq vəziyyətindən asılı olmayaraq bütün şəxslər zəruri müdafiə hüququna malikdirlər. Bu hüquq, dövlət orqanlarına və ya başqa şəxslərə kömək məqsədi ilə müraciət etmək, habelə ictimai təhlükəli qəsddən yayınmaq imkanından asılı olmayaraq bütün şəxslərə şamil olunur.
Sualı cavablandırdı: Naxçıvan Muxtar Respublikası Prokurorunun Mətbuat xidməti üzrə köməkçisi,ədliyyə müşaviri - Səttar Əsgərov