![MSK yanvarın 18-dək "exit-poll” keçirmək istəyən təşkilatların akkreditasiyası üçün sənədləri qəbul edəcək](http://admin.naxcivanxeberleri.com/storage/uploads/images/blog/msk-yanvarin-18-dek-exit-poll-kecirmek-isteyen-teskilatlarin-akkreditasiyasi-ucun-senedleri-qebul-edecek-1702064213.jpg)
MSK yanvarın 18-dək "exit-poll” keçirmək istəyən təşkilatların akkreditasiyası üçün sənədləri qəbul edəcək
Mərkəzi Seçki Komissiyası növbədənkənar Prezident seçkiləri ilə əlaqədar 2024-cü il yanvarın 18-dək "exit-poll” keçirmək niyyətində olan təşkilatların akkreditasiya üçün təqdim etdikləri sənədləri qəbul edəcək.
NAXCİVANXEBERLERİ.COM-un xəbərinə görə, bu, Mərkəzi Seçki Komissiyasının bu gün keçirilən iclasında təsdiqlənən növbədənkənar Prezident seçkilərinin keçirilməsi üzrə əsas hərəkətlərin və tədbirlərin Təqvim planında əskini tapıb.
Gələn il yanvarın 28-dək isə “exit-poll” keçirmək üçün müraciət etmiş təşkilatların akkreditasiyası barədə qərar qəbul olunacaq.
Qeyd edək ki, dövlət başçısı İlham Əliyev dekabrın 7-də Azərbaycanda növbədənkənar Prezident seçkiləri elan edilməsi barədə Sərəncam imzalayıb. Sərəncamla 2024-cü il fevralın 7-də Azərbaycanda növbədənkənar Prezident seçkiləri keçiriləcək.