!["Beşiktaş" Türkiyə Kubokunun sahibi olub](http://admin.naxcivanxeberleri.com/storage/uploads/images/blog/besiktas-turkiye-kubokunun-sahibi-olub-1716525608.jpg)
"Beşiktaş" Türkiyə Kubokunun sahibi olub
Futbol üzrə Türkiyə Kubokunun sahibi bəlli olub.
"NAXÇIVANXƏBƏRLƏRİ" məlumat verir ki, “Atatürk Olimpiya Stadionu”nda baş tutan final matçında “Beşiktaş” və “Trabzonspor” komandaları üz-üzə gəlib.
Oyun İstanbul klubunun 3:2 hesablı qələbəsi ilə yekunlaşıb.
Görüşdə hesabı 13-cü dəqiqədə qaradənizlilərin heyətində Poul Onuaçu açıb. Fasilə ərəfəsində Raşid Qezzal “status-kvo”nu bərpa edib. 54-cü dəqiqədə Salih Uçan “ağ-qaralar”ı hesabda önə çıxarıb. Final fitinə 1 dəqiqə qalmış Nikolas Pepe növbəti dəfə hesaba tarazlıq gətirsə də, 90+4-cü dəqiqədə "Beşiktaş"ın heyətində adını tabloya yazdıran Əl Müsrati komandasına qələbə qazandırıb.
Qeyd edək ki, bu nəticə ilə "Beşiktaş" tarixində 11-ci dəfə ölkə kubokunun sahibi olub.