![Azərbaycan BMT Turizmin İcraiyyə Şurasının 121-ci sessiyasında təmsil olunub](http://admin.naxcivanxeberleri.com/storage/uploads/images/blog/azerbaycan-bmt-turizmin-icraiyye-surasinin-121-ci-sessiyasinda-temsil-olunub-1718107824.jpeg)
Azərbaycan BMT Turizmin İcraiyyə Şurasının 121-ci sessiyasında təmsil olunub
Azərbaycan iyunun 10-11-də İspaniyanın Barselona şəhərində keçirilmiş BMT Turizmin İcraiyyə Şurasının 121-ci sessiyasında iştirak edib.
"NAXÇIVANXƏBƏRLƏRİ" məlumat verir ki, bu barədə Dövlət Turizm Agentliyi məlumat yayıb.
Məlumata görə, Səudiyyə Ərəbistanının sədrliyi ilə təşkil edilən sessiyada təşkilata üzv olan 30-dan çox dövlətin nümayəndələri iştirak edib.
Sessiya çərçivəsində çıxış edən Dövlət Turizm Agentliyinin Aparatının rəhbəri Kənan Qasımov, öz növbəsində cari ilin noyabr ayında ölkəmizin ev sahibliyi edəcəyi BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində turizm mövzusunun daha geniş təmsil olunması ilə bağlı hazırda BMT Turizm ilə aparılan əməkdaşlıq haqqında ətraflı məlumat verib.
COP29-un iqlim dəyişikliyi siyasətində turizmin rolunun gücləndirilməsinin əhəmiyyətli təsirə malik olduğunu vurğulayan K.Qasımov İcraiyyə Şurasının üzvlərini COP29 təşkilatçılığında BMT Turizm ilə birgə irəli sürülən təşəbbüslərə dəstək olmağa çağırıb.