Naxçıvan Muxtar Respublikasında  aprelin 28-nə gözlənilən hava proqnozu açıqlanıb.

Naxçıvan Muxtar Respublikası Ekologiya və Təbii Sərvətlər Nazirliyinin Hidrometeorologiya Mərkəzindən "NAXÇIVANXƏBƏRLƏRİ"-nə verilən məlumata əsasən, Naxçıvan Muxtar Respublikasında hava şəraitinin arabir yağmurlu keçəcəyi, bəzi ərazilərdə isə şimşək çaxacağı gözlənilir. Qərb küləyinin sürəti 9-14 m/s arasında dəyişəcəyi, bəzi ərazilərdə isə arabir güclənəcəyi ehtimal olunur. Havanın temperaturu gecə saatlarında 6-11° isti, gündüz isə 21-26° isti olacağı proqnozlaşdırılır.