SON DƏQİQƏ

naxcivanxeberleri.com

Qədim yurd yerinin tarixindən bəhs edən yeni nəşr işıq üzü görüb

Qədim yurd yerinin tarixindən bəhs edən yeni nəşr işıq üzü görüb
5-12-2022, 22:00

AMEA Naxçıvan Bölməsi İncəsənət, Dil və Ədəbiyyat İnstitutunun icraçı direktoru, filologiya üzrə fəlsəfə doktoru, dosent, şair-publisist Elxan Məmmədovun (Yurdoğlu) “Yurdçu və yurdçulular” kitabı işıq üzü görüb.
NAXCİVANXEBERLERİ.COM-a verilən məlumata əsasən,yeni nəşr müəllifin 20 il ərzində apardığı araşdırmaların nəticəsində ərsəyə gəlib. Bədii, elmi, publisistik janrlarda yazılmış 14 kitabın müəllifi olan Elxan Yurdoğlu yeni nəşrdə Kəngərli rayonunun Yurdçu kəndinin tarixi, tariximizə işıq tutan arxeoloji abidələri, Vətən uğrunda döyüşlərdə şəhidlik zirvəsinə çatan qəhrəman övladları, torpaqlarımızın bütövlüyü uğrunda vuruşan mərd oğulları, alimləri, yazıçı-şairləri və digərləri barədə ətraflı məlumatlar yer alıb. Kitabın nəşrinə Azərbaycan diasporunun Rusiya və Amerikada yaşayan nümayəndələri Qabil və Elçin Məmmədovlar dəstək göstəriblər.
Qeyd edək ki, Yurdçu kəndinin ərazisi tarixi abidələrlə zəngindir. Dəmir dövrünə aid arxeoloji abidə olan Yurdçu yaşayış yeri, son antik dövrə aid arxeoloji abidə - kurqanlar, Tunc və İlk Dəmir dövrlərinə aid Yurdçu nekropolu, Dəmir dövrünə aid Yurdçu sərdabəsi və digərləri qədim tariximizi özündə yaşadır. Hələ sovet dövründə Naxçıvana qarşı iddialarını gizlətməyən xain qonşularımız Yurdçu kəndində aparılan qısamüddətli arxeoloji qazıntılar zamanı aşkar edilən qiymətli tapıntıları özününküləşdirməyə çalışıblar. Lakin həmin vaxt azərbaycanlı arxeoloqlar buna imkan verməyiblər. AMEA Naxçıvan Bölməsinin Tarix, Etnoqrafiya və Arxeologiya İnstitutunun şöbə müdiri, AMEA-nın müxbir üzvü Vəli Baxşəliyevin Yurdçuda aparılan arxeoloji qazıntıların nəticələrini özündə əks etdirən və hələ uzun illər əvvəl İtaliyada işıq üzü görən kitabı xain qonşularımıza sanballı cavab olub və onların susdurulmasına xidmət edib. Elxan Yurdoğlunun apardığı araşdırmaların nəticəsi olan yeni nəşr də bu baxımdan əhəmiyyət kəsb edir.


Mənsurə Hümbətova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hquq guşəsi
NEKROLOQ

«    Ocak 2023    »
PtSaÇrPrCuCtPz
 1
2345678
9101112131415
16171819202122
23242526272829
3031