SON DƏQİQƏ

naxcivanxeberleri.com

"Huawei"in yeni smartfonları "Google"suz olacaq

3-09-2019, 23:31

"Huawei Mate 30" və "Mate 30 Pro" smartfonlarında əvvəlcədən yüklənmiş "Google" əlavələri olmayacaq.

NAXCİVANXEBERLERİ.COM xəbər verir ki, bu barədə şirkətin nümayəndəsi "Reuters" agentliyinə açıqlama verib.

"Huawei" yeni smartfonların 2019-cu ilin sentyabrında çıxacağını və açıq mənbə kodu olan "Android" versiyasında işləyəcəyini elan edib.

"Huawei" smartfonlarında "Google Play", "Gmail" və hətta axtarış sistemi daxil olmaqla, "Google"un heç bir rəsmi əlavəsi olmayacaq.

Xatırladaq ki, bu ilin mayında ABŞ Ticarət Nazirliyi "Huawei" şirkətini və onun 70 filialını qara siyahıya daxil edib. Nəticədə, "Google", "Intel", "Xilinx", "Broadcom" və digər ABŞ şirkətləri Çin istehsalçısı ilə əməkdaşlığını dayandırıb. Həmçinin, "Huawei" smartfonlarına ("Instagram" və "WhatsApp" daxil olmaqla) "Facebook"dan olan əlavələr quraşdırılmayacaq.

İyulda "Huawei"in vitse-prezidenti Ketrin Çen, özlərinin "Hongmeng" sisteminin hazır olmasına baxmayaraq, gələcəkdə də "Google"un OC Android sistemindən istifadə etməyi planlaşdırdıqlarını demişdi.

ABŞ hökuməti "Huawei" şirkətinə 2019-cu ilin noyabrına qədər fəaliyyət lisenziyası versə də, bu, "Huawei"in gələcək smartfonlarına aid deyil. Onlarda ABŞ şirkətlərinin xidmətləri işləməyəcək.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Eylül 2019    »
PtSaÇrPrCuCtPz
 1
2345678
9101112131415
16171819202122
23242526272829
30