SON DƏQİQƏ

naxcivanxeberleri.com

Azərbaycanla Pakistan arasında birbaşa hava əlaqəsinin qurulması ilə bağlı işlər gedir

Azərbaycanla Pakistan arasında birbaşa hava əlaqəsinin qurulması ilə bağlı işlər gedir
17-12-2018, 10:32

Azərbaycanın Pakistandakı fövqəladə və səlahiyyətli səfiri Əli Əlizadə Pakistanın baxımlı televiziya kanallarından olan “Channel 5” kanalının “Diplomatic Enclave” proqramının qonağı olub.

Azərbaycanın Pakistandakı Səfirliyindən NAXCİVANXEBERLERİ.COM-a verilən məlumata görə, səfir Azərbaycanın Pakistanla iqtisadi-ticari sahədə də əməkdaşlığın artırılmasında maraqlı olduğunu, cari ildə iki ölkə arasında bir çox birgə layihələrin, sərgilərin keçirildiyi, ticarət dövriyyəsində artımın müşahidə olunduğunu və bu sahədə potensial və imkanların daha dərindən araşdırılması gərəkdiyini vurğulayıb. Səfir Azərbaycandan Pakistana ixrac edilə biləcək məhsullar barədə məlumat verib, ölkəmizdə 300-ə yaxın Pakistan şirkəti və iş adamının fəaliyyət göstərdiyini, Pakistandan ölkəmizə gələn turistlərin sayında dəfələrlə artımın olduğunu, hazırda iki ölkə arasında birbaşa hava əlaqəsinin qurulması üzərində işlərin getdiyini söyləyib. ​​​

O həmçinin, Azərbaycanda xarici investorlar üçün yaradılan münbit şərait, kənd təsərrüfatı, sənaye və texnoloji parkların, iqtisadi zonaların fəaliyyətləri haqqında məlumat verib, ölkəmizdən keçən beynəlxalq nəqliyyat dəhlizləri, bu dəhlizlərə Pakistanın da qoşulmasının mümkünlüyü, Azərbaycanla Pakistan arasında olan strateji tərəfdaşlıq münasibətlərinin iqtisadi, ticari, hərbi-texniki, enerji, turizm və digər sahələrdə də əməkdaşlığa öz töhfəsini verdiyini, qarşılıqlı investisiya üçün imkanların artdığını qeyd edib.

Aparıcının Azərbaycanla Pakistan arasında hərbi sahədə əməkdaşlıqla bağlı sualına cavab olaraq, Əli Əlizadə bu sahənin ikitərəfli münasibətlərdə prioritet sahə olduğunu, hər iki ölkənin terrorçuluq və ekstremizmdən əziyyət çəkdiyini və bir-birinə daim dəstək göstərdiyini, Ermənistanın Azərbaycan ərazilərini işğal edərək burada etnik təmizləmə, dini, mədəni abidələri məhv etmə siyasəti həyata keçirdiyini, beynəlxalq təşkilatların qəbul etdiyi qətnamələrə məhəl qoymadığını diqqətə çatdırıb.​

Pakistandakı cari vəziyyətlə bağlı aparıcının sualını cavablandıran səfir təhlükəsizlik sahəsində Pakistanda irəliləyişin müşahidə edildiyini, yeni hökumətin ölkədə iqtisadi, sosial, humanitar sahələrdə layihələr həyata keçirdiyini, bütün bunların ölkənin inkişafına öz töhfəsini verəcəyinə inandığını, Azərbaycanın daim qardaş Pakistanın yanında olduğunu bildirib.

gulnar

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CRRAHI

XƏBR LENTİ
BÜTÜN XƏBƏRLƏR
NEKROLOQ

«    Haziran 2020    »
PtSaÇrPrCuCtPz
1234567
891011121314
15161718192021
22232425262728
2930