SON DƏQİQƏ

naxcivanxeberleri.com

İran şirkətləri Azərbaycanda fəaliyyətlərini genişləndirmək istəyir

İran şirkətləri Azərbaycanda fəaliyyətlərini genişləndirmək istəyir
19-01-2021, 14:55

Tehranda keçirilmiş İran-Azərbaycan Birgə İqtisadi Komissiyasının 14-cü iclasında Azərbaycanla İran arasında Anlaşma Memorandumu imzalanıb.

NAXCİVANXEBERLERİ.COM İran KİV-lərinə istinadən xəbər verir ki, Anlaşma Memorandumunu İranın iqtisadiyyat naziri, komissiyanın həmsədri Fərhad Dejpəsənd və Azərbaycanın Baş nazirinin müavini Şahin Mustafayev imzalayıb.

F. Dejpəsənd bəyan edib ki, İranın özəl sektoru Azərbaycanda həyata keçirilən layihələrdə iştirak etməyə hazırdır: “İran şirkətləri xüsusilə də texniki və mühəndislik xidmətləri sahəsində əməkdaşlıq etməyə tam hazırdır. Bu Anlaşma Memorandumunun imzalanması iqtisadi əlaqələrin əhəmiyyətli inkişafına səbəb olacaq”.

Ş.Mustafayev Ermənistan-Azərbaycan münaqişəsində İranın Azərbaycana siyasi dəstəyinə görə təşəkkür edib: “Son beş ildə iki ölkə arasında əlaqələr əhəmiyyətli genişlənib və hazırda bizim daha güclü əlaqələrimiz var. İmzaladığımız Anlaşma Memorandumu iki ölkə üçün yeni impulslar verəcək və ümid edirik ki, İranla Azərbaycan arasında ticarət əlaqələri böyüyəcək. İki ölkə münasibətləri son illərdə yeni, dinamik və perspektivli inkişaf mərhələsinə qədəm qoyub”.

Xatırladaq ki, İran və Azərbaycan arasında İqtisadi, Ticarət və Humanitar Əməkdaşlıq üzrə Hökumətlərarası Komissiyanın 13-cü iclası 19 mart 2019-cu ildə Bakıda keçirilib.

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Mart 2021    »
PtSaÇrPrCuCtPz
1234567
891011121314
15161718192021
22232425262728
293031