SON DƏQİQƏ

naxcivanxeberleri.com

Kiyevdə “Heydər Əliyev və dünya siyasəti” mövzusunda konfrans keçirilib

Kiyevdə “Heydər Əliyev və dünya siyasəti” mövzusunda konfrans keçirilib
12-12-2018, 14:56

Ukrayna Regionlararası Heyətin İdarə Olunması Akademiyasında ümummilli lider Heydər Əliyevin anım günü ilə bağlı “Heydər Əliyev və dünya siyasəti” mövzusunda konfrans keçirilib.

NAXCİVANXEBERLERİ.COM-un məlumatına görə, bu barədə Trend-ə Azərbaycanın Ukraynadakı Səfirliyindən məlumat verilib.

Əvvəlcə Ukraynanın elm və mədəniyyət xadimləri, Azərbaycanın Ukraynadakı Səfirliyinin diplomatları, gənclər və tələbələr Kiyev şəhərində fəaliyyət göstərən Heydər Əliyev adına Sosial Elmlər İnstitutunun qarşısına gələrək, dahi öndərin büstü önünə tər çiçəklər qoyublar.

Sonra Azərbaycanın Ukraynadakı Səfirliyinin təşkilatçılığı ilə keçirilən konfrans Azərbaycan və Ukraynanın dövlət himnləri ilə başlayıb.

Ulu öndərin dünyanın siyasi arenasında bəşəri təfəkkür sahibi kimi şöhrət qazandığını deyən Regionlararası Heyətin İdarə Olunması Akademiyasının rektoru Mikola Kurko dahi Heydər Əliyevin keçdiyi zəngin həyat yolundan danışıb. Qeyd edib ki, Azərbaycan bu gün Heydər Əliyevin vaxtilə dediyi kimi, dünyanın ən parlayan ölkələrindən birinə çevrilib.

Tədbirdə Azərbaycanın Ukraynadakı səfiri Azər Xudiyev çıxış edərək ulu öndər Heydər Əliyevin müstəqil Azərbaycan dövlətinin qurulmasında və inkişaf etdirilməsində göstərdiyi misilsiz xidmətlərdən danışıb. Qeyd edib ki, Heydər Əliyev hələ sağlığında canlı əfsanəyə çevrilib. Heydər Əliyev fenomeninə maraq illər ötdükcə, daha da artır.

Tədbirdə çıxış edən siyasi elmlər doktoru Nikolay Qolovatıy, Poltava Vilayət Şurasının deputatı Fəxrəddin Muxtarov, azərbaycanlı tələbə Ümid Əbiyev ulu öndər Heydər Əliyevi XX və XXI əsrin siyasi arenasında fenomenal yaddaşı, dəmir iradəsi, müdrikliyi və uzaqgörənliyi ilə böyük şöhrət qazanmış dahi şəxsiyyət olduğunu bildiriblər. Qeyd ediblər ki, dünya azərbaycanlılarının vahid dövlətçilik məfkurəsi ətrafında birləşməsində ulu öndərin tarixi xidmətləri olub.

Sonda ssenari müəllifləri Sergey Sivolap, Mövsüm Qədiroğlunun olan “Heydər Əliyev-insanlığa bağışlanan ömür!” filmi nümayiş olunub.

Vəfa Qasımova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Kasım 2019    »
PtSaÇrPrCuCtPz
 123
45678910
11121314151617
18192021222324
252627282930