SON DƏQİQƏ

Azərbaycanda zob xəstəliyinin ən çox hansı bölgələrdə qeydə alındığı açıqlanıb.

NAXCİVANXEBERLERİ.COM məlumat verir ki, bu barədə Səhiyyə Nazirliyinin mütəxəssis-eksperti, cərrah-endokrinoloq Azər Hümmətov məlumat verib.

Onun sözlərinə görə, bununla bağlı ən çox Qəbələ, Şəki, Qax, Zaqatala, Baləkən, Lənkəran, Quba və Qusardan olan vətəndaşlar müraciət edir.

Həkim deyib ki, qeyd olunan xəstəliklər bağlı daha çox əməliyyat göstərişi verilir və zəhərli zob diaqnozu qoyulur.

Mütəxəssis qeyd edib ki, Naxçıvandan gələn pasiyentlərin də sayı üstünlük təşkil edir: “Şimal zonasından gələn pasiyentlərdə düyün və zəhərli zob, Naxçıvandan gələnlərdə isə böyük ölçülü düyünlərə rast gəlinir”.

Nazirlik rəsmisi əlavə edib ki, qalxanabənzər vəzi xəstəliklərinə daha çox qadınlar arasında rast gəlinir: “Çünki hamiləlik zamanı orqanizmə ən çox yük düşən hissə məhz qalxanabənzər vəzi olur”.