SON DƏQİQƏ

Qoç- şəxsi münasibətlərdə romantik anlar yaşana bilər. Gün ərzində yüksək iş qabiliyyətinizi qorusanız, çox işlər görə bilərsiniz. Səhhətinizə fikir verin, dincəlməyə çalşın.

Buğa- hadisələrin inkişafını tələsdirməyin. Yaxşı vaxt keçirə biləcəyiniz məclisdə olmağınız məsləhətdir. Yardım istəyənlərə məsləhət verin, onlara qulaq asın. Yaxın ətrafınızdakı insanların sizin səbr və qayğınıza ehtiyacları var.

Əkizlər- səmimi olun. Ailə və şəxsi həyatla bağlı mühüm qərarlar qəbul edəcəksiniz. Bu günə təyin etdiyiniz görüşdən imtina etməyin, aktiv olun.

Xərçəng- bu gün alış-veriş etmək olar. Maraqlandığınız məsələ ilə bağlı müzakirələr aparmaq üçün də əlverişli gündür. Bu istiqamətdə konkret razılaşma əldə etmək olar.

Şir- nikbin olun. Danışıqlar üçün əlverişli gündür. Yeni tanışlıqlara nail olacaqsınız. Axşam saatlarında istədiyiniz kimi dincəlin.

Qız- perspektivli gündür. Tükətdiyiniz enerjinin bərpasına fikir verin. Gün ərzində enerjili olun. Işdə və şəxsi münasibətlərdə təşəbbüsü ələ alın.

Tərəzi- situasiyanın qəfildən dəyişəcəyi gözlənilir. Maraqlandığınız mövzuda intuisiyanıza güvənə bilərsiniz. Səhhətinizə fikir verin, istirahətə kifayət qədər vaxt ayırmaq lazımdır.

Əqrəb- yeni işbirliyi qurmaq olar. Alınan məlumat biliklərinizi artıra bilər. Şəxsi münasibətlər üçün uğurlu gündür. Yaxşı olar ki, kiməsə boş ümid verməyəsiniz.

Oxatan- işlərin çoxluğundan başınızı qaşımağa belə vaxt qalmayacaq. Bu səbəbdən də yalnız mühüm işləri yerinə yetirməyə çalışın, ikinci dərəcəli işləri isə bu günlük təxirə salın. Axşam saatlarını sevdiyiniz insana həsr edin.

Oğlaq- çalışın yarımçıq işiniz qalmasın. Səfər, gəzinti üçün əlverişli gündür. Şəxsi münasibətlərdə romantika kasadlığı yaşanacaq. Axşam saatlarında əylənin.

Dolça- hadisələrin gedişi sizi sevindirəcək. Ailə üzvlərinizlə mühüm məsələləri müzakirə edin. Hisslərinizi cilovlayın. Işlərinizin qaydada olub-olmamasına diqqət yetirin.

Balıqlar- fitnələrə uymayın, yalan qurbanı olmayın. Sizin sadəlövhlüyünüzdən istifadə edənlər olacaq. Şəxsi münasibətlərdə yeniliklər və əyləncə istəyi baş qaldıracaq. Imkan varsa açıq havada gəzişin.