SON DƏQİQƏ

naxcivanxeberleri.com

Mədəni-kütləvi tədbirlərin təşkili diqqət mərkəzindədir

Mədəni-kütləvi tədbirlərin təşkili diqqət mərkəzindədir
22-05-2022, 12:18

Bu ilin aprel ayında da Babək rayonunda mədəni-kütləvi tədbirlər davam etdirilib, əlamətdar, tarixi günlərlə bağlı tədbirlərin keçirilməsi diqqətdə saxlanılıb.
Ötən ay Naxçıvan Muxtar Respublikası Mədəniyyət Nazirliyinin və nazirliyin tabeliyindəki Mədəniyyət üzrə Elmi-Metodik Mərkəzin təşkilatçılığı ilə “Milli dəyərlərimiz folklorumuzda” səhnəciklərin nümayişi müsabiqəsi keçirilib. Müsabiqədə Babək Rayon Mədəniyyət Sarayının folklor qrupları uğurla çıxış ediblər. Təmsilçilərimizdən “Buta” folklor qrupu I yerin sahibi olub. Bununla yanaşı, rayon Tarix-Diyarşünaslıq Muzeyində “18 aprel – Beynəlxalq Tarixi Yerlər və Abidələr Günü” münasibətilə tədbir keçirilib.
Hesabat dövrü ərzində Babək şəhərində təşkil olunan “Kətə” festivalında Babək Rayon Mədəniyyət Şöbəsinin “Qələbə” instrumental ansamblının ifasında maraqlı musiqi nömrələri, eləcə də “Yallı” rəqs qrupunun ifasında yallı nümunələri təqdim edilib.

Aprel ayında kitabxana işi üzrə keçirilən tədbirlərin səmərəliliyinə nəzarət artırılıb. Rayon Mərkəzləşdirilmiş Kitabxana Sistemində 13 yubiley sərgisi təşkil olunub, əlamətdar və tarixi günlərlə əlaqədar 17 tədbir keçirilib. Bu dövr ərzində metodiki məktublar hazırlanıb və kitabxana filiallarına göndərilib. Ötən ay “Oxunması zəruri olan kitabların siyahısı”nda yer alan daha iki kitabın müzakirəsi təşkil olunub. Qeyd edək ki, kitabxana filiallarında da kitab müzakirələri təşkil edilib.
Babək Rayon Mədəniyyət Şöbəsi tərəfindən muzey işinin günün tələbləri səviyyəsində qurulması, mədəniyyət müəssisələrinin ekspozisiyasının zənginləşdirilməsi diqqətdə saxlanılır. Ötən ay tərtib olun muş qrafikə əsasən rayon ərazisindəki muzeylərdə müxtəlif tədbirlər keçirilib, ziyarətçilər qəbul olunub. Hesabat ayı muzeyi 197 qonaq ziyarət edib.

Bundan başqa, böyük ədib Cəlil Məmmədquluzadənin Nehrəm qəsəbəsindəki Xatirə Muzeyində aprel ayı ərzində muzey eksponatlarının təkrar uçotunun aparılması və elektron məlumat bazasının yaradılması işi davam etdirilib, ay ərzində muzeydə 130 ziyarətçi olub.
Babək Rayon
Mədəniyyət Şöbəsi

Mənsurə Hümbətova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hquq guşəsi
NEKROLOQ

«    Haziran 2022    »
PtSaÇrPrCuCtPz
 12345
6789101112
13141516171819
20212223242526
27282930