SON DƏQİQƏ

naxcivanxeberleri.com

“Muğam axşamları” layihəsinin yeni mövsümdə ilk konserti keçirilib

“Muğam axşamları” layihəsinin yeni mövsümdə ilk konserti keçirilib
2-10-2019, 23:53

Beynəlxalq Muğam Mərkəzi yeni mövsümdə özünün ənənəvi olaraq təqdim etdiyi genişmiqyaslı "Muğam axşamları" layihəsi ilə ikinci dəfə muğamsevərlərin görüşünə gəlib.

NAXCİVANXEBERLERİ.COM-un məlumatına görə, ilk konsert "Rast" muğamına həsr olunub.

Həmin gün muğamsevərlər qarşısında Əməkdar artistlər Arzu Əliyeva və Elnur Zeynalov və beynəlxalq müsabiqələr laureatı Hüseyn Məlikov çıxış edib. Sözün əsl mənasında möcüzəli "Rast"ın möcüzəli təqdimatı dinləyicilərin könlünə hakim kəsilib. “Rast”ın şöbələri və ritmik ahəngi 3 istedadlı xanəndə tərəfindən zərgər dəqiqliyi ilə özünəməxsus tərzdə təqdim edilməklə, xoş ovqat bəxş edən ahənglə səslənib. Konsert proqramı tamaşaşılar tərfindən böyük sevgi ilə qarşılanıb. Xanəndələri tarzən Rövşən Qurbanovun rəhbərliyi ilə “Buta” ansamblı müşayiət edib.

İlin sonunadək Beynəlxalq Muğam Mərkəzinin səhnəsində “Şur”, “Zabul-Segah”, “Çahargah” muğamları ifa ediləcək.

Qeyd edək ki, Beynəlxalq Muğam Mərkəzi Azərbaycan milli musiqisinin təbliğinə həsr olunmuş bir neçə layihə həyata keçirir ki, onlardan biri də “Muğam axşamları” layihəsidir. Bu layihə çərçivəsində tanınmış ifaçılar tərəfindən muğamlar, xalq mahnıları və təsniflər səsləndirilib. Muğam sənətimizin fəlsəfəsini gələcək nəsillərə çatdırmaq məqsədilə reallaşan layihəyə tamaşaçılar böyük maraq göstərməkdədir . Artıq 2-ci mərhələsi təqdim edilən konsertlərdə bu günə kimi tanınmış, görkəmli xanəndələrimizin ifasında 7 əsas muğamlarımız təqdim edilib.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Ekim 2019    »
PtSaÇrPrCuCtPz
 123456
78910111213
14151617181920
21222324252627
28293031