SON DƏQİQƏ

naxcivanxeberleri.com

Bu bitkinin sağlamlığa faydaları sonsuzdur – İKİ ADI VAR

Bu bitkinin sağlamlığa faydaları sonsuzdur – İKİ ADI VAR
13-03-2019, 22:51

Badyan (ulduz anasonu) ətirli şərq ədviyyatıdır. Badyanın toxumlarından bir çox məqsədlərlə istifadə edilir.

Bu bitki yalnız qiymətli ədviyyat bitkisi hesab olunmur, həmçinin, xalq təbabətində də geniş istifadə edilir.

Badyan bir çox ədviyyatlar kimi, çox sayda faydalı xüsusiyyətlərə malikdir.

NAXCİVANXEBERLERİ.COM badyanın faydalı xüsusiyyətlərini sadalayır:

1. Badyanın tərkibində kalium, maqnezium, dəmir, kalsium, sink, mis, fosfor, B qrupu və A, C vitaminləri var. Bu ədviyyatda olan şikim turşusu bir çox qrip dərmanlarının tərkibinə daxil edilir.
Əgər bu ədviyyatdan kulinariyada mütəmadi istifadə edilərsə, o zaman mövsümi qrip xəstəliklərindən qorunmaq mümkündür.

2. Bu ədviyyatın az miqdarda davamlı istifadəsi bağırsaqların peristaltikasını təmin edir, köpməni aradan qaldırır, mədə və bağırsaq ağrılarını yox edir. Amma həddən çox istifadə edilən zaman daha çox oyandırıcı təsir göstərir.

3. Badyanın gümrahlaşdırıcı ətri stressi və depressiyanı aradan qaldırır.

4. Badyan ana südünün ifrazını artırır. Amma hamilə qadınlarda bu ədviyyat esterogen sintezinə səbəb olur ki, bu, vaxtından əvvəl doğuşa gətirib çıxara bilər.

5. Badyanın efir yağının tərkibində olan faydalı qətranlar, tanin, terpen maddələri oynaq ağrılarını, qıcolmaları və şişkinlikləri aradan qaldırır.

6. Bu ədviyyat boğaz ağrısını effektli şəkildə müalicə edir, səsi açır və öskürəyi aradan qaldırır.

7. Badyanın tərkibi antioksidantlarla zəngindir. Bu maddələr yağ turşularının oksidləşməsinin qarşısını alır.

8. Badyanın daha bir faydalı xüsusiyyəti nəfəsi təravətləndirməsidir. Hətta saqqız belə bu ədviyyat qədər nəfəsi təmizləyə bilmir.

Badyandan hazırlanan vasitələr

Badyandan dərman hazırlamaq üçün toxumu qəhvəüyüdəndə üyüdün. 1 ç/q tozun üzərinə 50 ml qaynar su tökərək, 10 dəqiqə saxlayın. Alınan dəmləməni su ilə qataraq və ya olduğu kimi qəbul etmək olar. İçki orqanizmə gümrahlıq, enerji verir, şlaklardan, toksinlərdən təmizləyir, immun sistemini gücləndirir.

Mədə üçün vasitə

Qarın ağrısı, köpmə, həzm pozğunluğu, ürəkbulanma zamanı 1 qr badyan efir yağını 1 ç/q bal ilə udun üzərindən azacıq isti su qəbul edin. Lakin bu maddənin çox miqdarda qəbulu əks təsir göstərir.

Bəlğəmgətirici vasitə

1 ç/q xırdalanmış badyan toxumunun üzərinə 200 ml qaynar su tökün. Daha sonra həmin məhlulu 30-40 dəqiqə müddətinə su buxarına qoyun. Hazır olan kimi tənzifdən süzün. 100 ml məhlulu 1 stəkan suda həll edərək, gündə 3 dəfə yeməkdən əvvəl qəbul edin.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
Baxılıb: 175
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Mart 2019    »
PtSaÇrPrCuCtPz
 123
45678910
11121314151617
18192021222324
25262728293031