SON DƏQİQƏ

naxcivanxeberleri.com

Rayon üzrə əmək pensiyası alan şəxslərin sayı 1885 nəfərdir

Rayon üzrə əmək pensiyası alan şəxslərin sayı 1885 nəfərdir
22-05-2022, 10:00

Ölkə başçısı cənab İlham Əliyevin rəhbərliyi ilə həyata keçirilən islahatlar iqtisadi, eyni zamanda sosial müdafiə sahəsində qarşıya qoyulmuş hədəflərin uğurla gerçəkləşdirilməsinə geniş imkanlar yaratmışdır. Bu inkişafda özünəməxsus yeri olan muxtar respublikamızda həyata keçirilən məqsədyönlü tədbirlər iqtisadi və sosial sahədə davamlı inkişafı təmin etmişdir. Muxtar respublikada əhalinin bütün təbəqələrinin, o cümlədən cəmiyyətin həssas qrupu sayılan əmək pensiyaçılarının rifah halının yüksəldilməsi, onların sosial müdafiəsinin gücləndirilməsi istiqamətində mütəmadi olaraq tədbirlər görülür.
Naxçıvan Muxtar Respublikası Dövlət Sosial Müdafiə Fondunun Sədərək Rayon Şöbəsi vətəndaşların pensiya təminatının təkmilləşdirilməsi və pensiyaçıların sosial müdafiəsinin gücləndirilməsi məqsədilə müvafiq işlər görür. Belə ki, şöbə pensiya və müavinətlərin vaxtında ödənilməsi, əmək fəaliyyətinə yeni başlayan işçilərin fərdi uçot sistemində qeydiyyata alınması, habelə pensiya və müavinətlərin qanunvericilikdə nəzərdə tutulan qaydada təyinatı işlərinin icrasını qanuna uyğun olaraq təmin edir.
Şöbənin 1 dekabr tarixinə olan məlumatına əsasən rayon üzrə əmək pensiyası alan şəxslərin sayı 1097 nəfər təşkil edir. Onlardan 711-i kişi, 1174-ü isə qadındır. Əmək pensiyası ilə təmin olunanların 890-ı yaşa görə, 793-ü sağlamlıq imkanlarının məhdudluğuna görə, 202-si isə ailə başçısını itirməyə görə pensiya alır.
Cari ilin ötən dövrü ərzində əmək pensiyasının artırılması və ölkə başçısının imzaladığı müvafiq sərəncamların icrası ilə bağlı tədbirlər həyata keçirilmiş, pensiyaçıların sosial rifahının yaxşılaşdırılması istiqamətində ciddi addımlar atılmışdır. Belə ki, Azərbaycan Respublikası Prezidentinin müvafiq sərəncamı ilə əmək pensiyalarının sığorta hissəsi 11,4 faiz indeksləşdirilərək artırılmışdır.
Bununla bərabər, Dövlət Statistika Komitəsi tərəfindən müəyyən edilən istehlak qiymətləri indeksinin illik səviyyəsinə uyğun olaraq sığortaolunanların fərdi hesablarının sığorta hissəsində toplanmış pensiya kapitalı məbləğləridə indeksləşdirilməklə 2,8 faiz artırılmışdır. Şöbə tərəfindən bundan sonra da əhalinin sosial rifah halının yaxşılaşdırılmasına xidmət edən tədbirlərin icrası ilə bağlı müvafiq işlər həyata keçiriləcəkdir.
Naxçıvan Muxtar Respublikası
Dövlət Sosial Müdafiə Fondunun
Sədərək Rayon Şöbəsi

Mənsurə Hümbətova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hquq guşəsi
NEKROLOQ

«    Haziran 2022    »
PtSaÇrPrCuCtPz
 12345
6789101112
13141516171819
20212223242526
27282930