SON DƏQİQƏ

naxcivanxeberleri.com

“Sabahın tədqiqatçıları” layihəsi öz missiyasını uğurla yerinə yetirir

“Sabahın tədqiqatçıları” layihəsi öz missiyasını uğurla yerinə yetirir
22-01-2021, 17:00

Azərbaycan Milli Elmlər Akademiyası Naxçıvan Bölməsi və Naxçıvan Muxtar Respublikası Təhsil Nazirliyinin birgə reallaşdırdığı “Sabahın tədqiqatçıları” layihəsinin iştirakçıları yeni uğura imza atıb.

AMEA Naxçıvan Bölməsinin mətbuat xidmətindən NAXCİVANXEBERLERİ.COM-a verilən məlumata görə, Naxçıvan Bölməsinin Təbii Ehtiyatlar İnstitutunun “Hidrogeologiya və mineral sular” laboratoriyasının rəhbəri, kimya üzrə fəlsəfə doktoru, dosent Fizzə Məmmədova və “Fiziki tədqiqatlar” laboratoriyasının böyük elmi işçisi Nazilə Mahmudovanın rəhbərliyi ilə gənc tədqiqatçılar Rusiyada keçirilən “Məktəblilərin və tələbələrin “Mənim elmə addımım” Ümumrusiya distant konfransı”nda iştirak ediblər.

Naxçıvan Qızlar Liseyinin X sinif şagirdi Nuray Məmmədova, 8 saylı orta məktəbin XI sinif şagirdi Bəxtiyar İsmayılov və X sinif şagirdi Nurgün Allahverdiyevanın “Naxçıvan Muxtar Respublikasının yeraltı su ehtiyatları”  adlı məqaləsi və həmin məktəbin X sinif şagirdi Tuncay Təhməzli ilə dissertant Leyla İbrahimovanın “Mis bismut sulfidin alınması və onun elektrik keçiriciliyinin təyini” adlı məqalələri diyarşünaslıq, ekologiya, kimya və fizika bölmələrini əhatə edən  konfransın 2 cildlik toplusunda dərc olunub. Əldə edilən elmi yeniliklərə görə hər iki məqalə sertifikatla mükafatlandırılıb.

Qeyd edək ki, ötən il də böyük uğurlara imza atan “Sabahın tədqiqatçıları” layihəsinin məqsədi Naxçıvan məktəblilərinin elmi axtarışlara sövq edilməsi, onların elmi və yaradıcılıq fəaliyyətinin stimullaşdırılması, elmi tədqiqat işinə meyilli istedadlı şagirdlərin aşkar edilməsi və gələcək elmi potensiallı kadrların yetişdirilməsidir. Naxçıvan Bölməsi əməkdaşlarının gərgin əməyi və gənclərin zəhməti sayəsində bu missiya uğurla yerinə yetirilir.

 

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Mart 2021    »
PtSaÇrPrCuCtPz
1234567
891011121314
15161718192021
22232425262728
293031