SON DƏQİQƏ

naxcivanxeberleri.com

Azərbaycanda ilk dəfə PAŞA Bank fərdi sahibkarlar üçün onlayn müştəri olmaq və hesab açmaq imkanı yaratdı

Azərbaycanda ilk dəfə PAŞA Bank fərdi sahibkarlar üçün onlayn müştəri olmaq və hesab açmaq imkanı yaratdı
29-01-2019, 12:16

Ölkənin aparıcı korporativ bankı olan PAŞA Bank unikal bir imkanı, filiala gəlmədən Bankın müştərisi olmaq və onlayn açılmış hesab üzrə rekvizitlərin əldə edilməsi imkanını təqdim edir.

Yeni müştərilərə vaxta qənaət etməklə müxtəlif valyutalarda hesabın açılması üçün onlayn edilən müraciəti bir neçə dəqiqə ərzində rəsmiləşdirmək fürsətini verən bu xidmət hazırda fərdi sahibkarlar üçün əlçatandır. Müştərilərin istifadəsinə verilmiş xidmət minimum tələblərə cavab verir və bu həll davamlı olaraq təkmilləşdirilir. Ölkədə ilk dəfə olaraq fərdi məlumatlar fərdi sahibkarın elektron razılığı əsasında Elektron Hökumət İnformasiya Sistemindən əldə olunaraq vaxta qənaət etməyə imkan verir və müştərilər “Asan İmza” mobil elektron imza vasitəsilə xidmətdən istifadə edərək lazımi sənədləri təsdiqləyirlər.

PAŞA Bank-ın Baş icraçı direktoru və İdarə heyətinin sədri Taleh Kazımovun dediklərinə əsasən, 2018-2020-ci illəri əhatə edən İnkişaf Strategiyası çərçivəsində PAŞA Bank müştərilərin işgüzar fəaliyyəti ilə bağlı tələbatlarını öyrənərək müasir texnoloji həllər üzərində işləyir və tezliklə öz müştərilərini digər rəqəmsal həllərlə də sevindirəcək:

“Sahibkarların əsas diqqəti biznesin strateji idarə olunmasında cəmləşir və bu səbəbdən, vaxta qənaət və onlayn bank xidmətlərindən istifadə ön plana çıxır. PAŞA Bank tərəfindən hazırlanmış və təqdim edilmiş bu imkanın bankla müştərilər arasında münasibətlərin yeni daha təkmil səviyyəyə qalxmasına, beləliklə, bank sektorunda rəqəmsal həllərin inkişafına töhfə verəcəyinə əminəm. Bu sahədə həyata keçirdiyimiz təşəbbüslər həmçinin ölkəmizin “Milli iqtisadiyyat və iqtisadiyyatın əsas sektorları üzrə strateji yol xəritələri”nin icrasının dəstəklənməsini də hədəfləyir”.

Bundan əlavə, PAŞA Bank yaxın zamanda yeni hüquqi şəxs müştəriləri üçün onlayn müştəri olmaq və hesab açmaq imkanını təqdim edəcək.

Xidmətdən istifadə buradan mümkündür.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Ekim 2019    »
PtSaÇrPrCuCtPz
 123456
78910111213
14151617181920
21222324252627
28293031