SON DƏQİQƏ

naxcivanxeberleri.com

İkiqat dünya çempionu "Formula 1"ə qayıdacağına dair xəbərləri təkzib edib

İkiqat dünya çempionu
6-06-2019, 20:17

2016-cı ildə Bakıda keçirilmiş "Formula 1" üzrə Avropa Qran-prisinin səfiri Fernando Alonso gələcək planlarından danışıb.

NAXCİVANXEBERLERİ.COM xəbər verir ki, ispaniyalı pilot hələlik "Formula 1"ə qayıtmağı düşünmədiyini bildirib. Bununla da ikiqat dünya çempionu "Ferrari"də Sebastyan Fetteli əvəzləyəcəyinə dair şayiələri təkzib edib.

Alonso "Formula 1"dən əlavə, "24 saat Le Man"ın da qalibi olub. Hazırda qatıldığı "İndianapolisin 500 mili"nin də qalibi olacağı təqdirdə, 38 yaşlı idmançı "Üçqat Tac"a yiyələnəcək.

Təcrübəli pilot idmanda uduzduqda belə yenidən qələbə qazanmağa cəhd etməyin gərəkliyini vurğulayıb: "İndiyədək 32 Qran-pri qalibi olmaq üçün 300-dən çoxuna qatılmışam. "Real Madrid" də 100 illik tarixində Çempionlar Liqasını 13 dəfə qazanıb və dünyanın ən uğurlu klubu sayılıb. Dünya idmanından nümunələr göstərir ki, qələbə faizi aşağıdır. Buna görə də titullar onları qazananda unikaldır".

Qeyd edək ki, Fernando Alonso 2005 və 2006-cı illərdə "Formula 1"in, 2018-ci ildə "24 saat Le Man"ın qalibi olub. O, "Formula 1"i 2018-ci il mövsümünün sonunda tərk edib.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Eylül 2019    »
PtSaÇrPrCuCtPz
 1
2345678
9101112131415
16171819202122
23242526272829
30