SON DƏQİQƏ

naxcivanxeberleri.com

Azərbaycanın daha üç güləşçisi İtaliyada dünya çempionatında medal qazanıb

Azərbaycanın daha üç güləşçisi İtaliyada dünya çempionatında medal qazanıb
31-07-2022, 22:19

Azərbaycanın 17 yaşadək sərbəst güləşçilərdən ibarət milli komandası İtaliyanın paytaxtı Romadakı dünya çempionatının son günündə daha 3 medal qazanıb.

NAXCİVANXEBERLERİ.COM-un məlumatına görə, Bəşir Verdiyev (45 kq) gümüş, Elman Ağayev (51 kq) və Ağanəzər Novruzov (71 kq) bürünc medala yiyələnib.

Verdiyev ukraynalı Vladislav Çornovilə (10:0), gürcüstanlı Nikolos Botçorişviliyə (4:3) və moldovalı Konstantin Rusuya (5:0) qalib gələrək finala yüksəlib. Lakin o, həlledici görüşdə ABŞ təmsilçisi Domenik Munarettoya (0:2) uduzub.

Ağayev türkiyəli Mustafa Karabuğa (14:4) və özbəkistanlı Abbasbek Kobilov (6:2) üzərində əldə etdiyi qələbələrlə adını yarımfinala yazdırıb. Finalın bir addımlığında o, iranlı Məhəmməd Əsədi (2:12) ilə bacarmayıb. 3-cü yer uğrunda görüşdə isə Ağayev qırğızıstanlı Bayaman Kərimbekovu üstələyərək (4:1) bürünc medal qazanıb.

Novruzov avstriyalı Məhəmməd İnşapiyevə (12:0), ukraynalı Timur Yusova (12:10) və gürcüstanlı Nikolos Maysuradzeyə son xal prinsipi ilə (2:2) qalib gələrək yarımfinala vəsiqə qazanıb. O, finalın bir addımlığında italiyalı Raul Kasoya minimal fərqlə (1:2) uduzsa da, bürünc medal uğrunda qarşılaşmada hindistanlı Narender Narenderi (3:1) yenib.

Qeyd edək ki, daha əvvəl Azərbaycan sərbəst güləşçilərindən Vasif Bağırov (48 kq) və İlyas İsayev (65 kq) dünya çempionu olub.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hquq guşəsi
NEKROLOQ

«    Ağustos 2022    »
PtSaÇrPrCuCtPz
1234567
891011121314
15161718192021
22232425262728
293031