SON DƏQİQƏ

naxcivanxeberleri.com

Bədii gimnastika üzrə 35-ci Avropa Çempionatında Azərbaycan komandası 5 halqa ilə hərəkətlərdə finala çıxıb

Bədii gimnastika üzrə 35-ci Avropa Çempionatında Azərbaycan komandası 5 halqa ilə hərəkətlərdə finala çıxıb
16-05-2019, 20:16

Bədii gimnastika üzrə 35-ci Avropa Çempionatında Azərbaycan komandası 5 halqa ilə hərəkətlərdə 21,650 xalla finala çıxıb.

NAXCİVANXEBERLERİ.COM-un məlumatına görə, Bakıda Milli Gimnastika Arenasında bədii gimnastika üzrə 35-ci Avropa Çempionatı çərçivəsində qrup hərəkətləri proqramında gənc komandalar arasında finalçılar müəyyənləşdirilib.

Finala Rusiya (23.7000 xal), Belarus (23.100 xal), İtaliya (23.050 xal), Ukrayna (21.800 xal), Azərbaycan (21.650 xal), İspaniya (21.400 xal), Estoniya (21.400 xal), Litva (20.725) çıxıb.

Qeyd edək ki, bu gün Bakıda Milli Gimnastika Arenasında bədii gimnastika üzrə 35-ci Avropa Çempionatı start götürüb.

16-19 may tarixlərində keçiriləcək bu çempionatda fərdi proqramda böyük gimnastlar, qrup hərəkətləri proqramında isə gənc komandalar çıxış edəcəklər.

Yarışların ilk gününə gənclərdən ibarət qrup hərəkətləri komandalarının çıxışları ilə başlanılacaq. 17 may tarixində isə yalnız böyük gimnastlar xalça üzərində öz güclərini sınayacaqlar. Çempionatın 3-cü günü artıq komanda hesabında (böyük gimnastlar və gənc komandaların ortaq xalları əsasında) və qrup komandalarının çoxnövçülük yarışlarında qaliblərin adları açıqlanacaq. Və turnirin son günü ayrı-ayrı alətlər üzrə Avropanın ən yaxşı gimnastlarının adları məlum olacaq.

Çempionatda 35 ölkədən gimnastların iştirakı gözlənilir.

Azərbaycanı Avropa çempionatında yeniyetmələr arasında Nəzrin Cəfərzadə, Eleonora Yusifova, Ləman Əlimuradova, Fəridə Səfiyarzadə, Mədinə Əsədova, Selcan Hacızadə, Milana Əkbərovadan ibarət komanda təmsil edir. (Trend)

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    May 2019    »
PtSaÇrPrCuCtPz
 12345
6789101112
13141516171819
20212223242526
2728293031