SON DƏQİQƏ

naxcivanxeberleri.com

Azərbaycan Premyer Liqasında 2018/2019-cu illər mövsümünə yekun vurulub

Azərbaycan Premyer Liqasında 2018/2019-cu illər mövsümünə yekun vurulub
11-05-2019, 20:01

Futbol üzrə Azərbaycan Premyer Liqasında 2018/2019 mövsümünə yekun vurulub.
NAXCİVANXEBERLERİ.COM xəbər verir ki, XXVIII turun son oyununda gümüş mükafatçısı "Neftçi" çempionluğu erkən rəsmiləşdirən "Qarabağ"ı qəbul edib. "Bakcell Arena"da baş tutan matçda qonaqlar qalib gəlib - 3:2.

Oyunda hesabı 15-ci dəqiqədə "Qarabağ"ın forvardı Mahir Mədətov açıb. Lakin ilk hissənin sonlarına yaxın "Neftçi" 2 qol vurub. Əvvəlcə 38-ci dəqiqədə Emin Mahmudov, 2 dəqiqə sonra isə Canluka Sansone fərqlənib. İkinci hissədə yenidən Mədətov ön plana çıxıb. O, 64-cü dəqiqədə hesabı 2:2 edib. Oyunun 90-cı dəqiqəsində isə Riçard Almeyda Ağdam komandasının qələbə qolunun müəllifi olub.

Beləliklə, "Qarabağ" mövsümü 66, "Neftçi" isə 58 xalla başa vurub.

Mədətov isə 16 qolla mövsümün bombardiri olub.

Qeyd edək ki, bir neçə dəqiqə sonra mükafatlandırma mərasimi başlayacaq. Çempionluq kubokunu başı üzərinə qaldıracaq “Qarabağ” qızıl, “Neftçi” gümüş, “Səbail” isə bürünc medal alacaq.

Turun digər oyunlarında "Keşlə" "Səbail"i 4:1, "Zirə" "Sabah"ı 3:0, "Sumqayıt" isə "Qəbələ"ni 1:0 hesabı ilə məğlub edib.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Temmuz 2019    »
PtSaÇrPrCuCtPz
1234567
891011121314
15161718192021
22232425262728
293031