SON DƏQİQƏ

naxcivanxeberleri.com

“Bakı 2019” Avropa Gənclər Olimpiya Festivalının məşəli yandırılacaq

“Bakı 2019” Avropa Gənclər Olimpiya Festivalının məşəli yandırılacaq
10-04-2019, 16:19

Aprelin 12-də İtaliyanın paytaxtı Romada “Flame of Peace Lighting Ceremony” adlı “Bakı 2019” Avropa Gənclər Olimpiya Festivalının məşəlyandırma mərasimi keçiriləcək.

NAXCİVANXEBERLERİ.COM xəbər verir ki, bu barədə Gənclər və İdman Nazirliyi məlumat yayıb.

Tədbirdə gənclər və idman naziri Azad Rəhimov, Milli Olimpiya Komitəsinin (MOK) vitse-prezidenti Çingiz Hüseynzadə, MOK-un baş katibinin müavini Azər Əliyev, “Bakı 2019” Avropa Gənclər Olimpiya Festivalının İşçi Heyətinin rəhbəri Nikki Əfəndi, “Bakı 2019” Korporativ direktor Elçin Səfərov, GİN Beynəlxalq əlaqələr şöbəsinin rəisi Namiq Novruzov, MOK-un Beynəlxalq əlaqələr şöbəsinin rəisi Anar Bağırov, GİN İdman şöbəsinin rəisi Fərid Mansurov, atletlər - Kəramət Hüseynov və Raziya Əliyeva iştirak edəcək.

Həmçinin mərasimdə Avropa Olimpiya Komitəsinin prezidenti Yanez Kotsiyançiç, İtaliya Olimpiya Komitəsinin prezidenti Covanni Malaqo və digər Olimpiya Komitələrinin nümayəndələrinin iştirakı gözlənilir.

Xatırladaq ki, 2019-cu il Avropa Gənclər Olimpiya Festivalı 21 - 28 iyulda Bakıda keçiriləcək. Ümumilikdə, 50 ölkədən 3600-ə yaxın idmançının iştirakı gözlənilir. Festival 10 idman növü üzrə keçiriləcək: gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş. 2500-dən çox könüllü 12 idman obyektində fəaliyyət göstərəcək.

Vəfa Qasımova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Ocak 2022    »
PtSaÇrPrCuCtPz
 12
3456789
10111213141516
17181920212223
24252627282930
31