SON DƏQİQƏ

naxcivanxeberleri.com

Dünya çempionatı: Azərbaycan güləşçisi erməni rəqibinə qalib gəlib - VİDEO

Dünya çempionatı: Azərbaycan güləşçisi erməni rəqibinə qalib gəlib - VİDEO
2-11-2019, 23:15

Macarıstanın paytaxtı Budapeştdə 23 yaşadək güləşçilər arasında dünya çempionatı davam edir.

NAXCİVANXEBERLERİ.COM xəbər verir ki, beşinci yarış günündə yunan-Roma güləşi üzrə mübarizəyə start verilib.

Püşk Zaur Əliyevi startda böyüklər arasında son dünya çempionu Nuqzari Tsurtsumia ilə üz-üzə qoyub. Ancaq gənc güləşçimiz güclü rəqibi üzərində əzmkar qələbə qazanaraq 1/4 finala yüksəlib. Növbəti görüş də gərgin mübarizə şəraitində keçib. Həmyerlimiz Qazaxıstan güləşçisi ilə qarşılaşmanın son dəqiqəsinədək 0:4 hesabıyla geridə olsa da, geridönüş edərək adını yarımfinala yazdırıb. Ancaq Rusiya güləşçisinə uduzduğu üçün noyabrın 2-də bürünc medal görüşünə çıxıb. Erməni güləşçi ilə prinsipial qarşılaşmadan qalib ayrılan Zaur dünya üçüncüsü olub.

Digər idmançımız Tuncay Vəzirzadə təsnifat mərhələsində çətinlik çəkmədən Polşa idmançısına qalib gəlib. Lakin növbəti qarşılaşmada Hindistan güləşçisinə məğlub olub.

Eltun Vəzirzadə isə ilk görüşdə Danimarka təmsilçisini üstələyib. Ancaq 1/8 finalda Türkiyə pəhləvanı ilə bacarmayıb.

55 kq

1/8 final - Zaur Əliyev - Nuqzari Tsurtsumia (GEO) 6:4

1/4 final - Zaur Əliyev - Amanqali Bekbolatov (KAZ) 6:4

1/2 final - Zaur Əliyev - Emin Seferşayev (RUS) 0:7

Bürünc medal görüşü - Zaur Əliyev - Norayr Hakoyan (ARM) 7:2

77 kq

Təsnifat - Tuncay Vəzirzadə - Pyotr Prjemislav (POL) 8:1

1/8 final - Tuncay Vəzirzadə - Sayan Sayan (İND) 1:3

87 kq

Təsnifat - Eltun Vəzirzadə - Turpan Ali Bisultanov (DEN) 4:2

1/8 final - Eltun Vəzirzadə - Ali Cengiz (TUR) 2:7

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Kasım 2019    »
PtSaÇrPrCuCtPz
 123
45678910
11121314151617
18192021222324
252627282930