SON DƏQİQƏ

naxcivanxeberleri.com

III Avropa Oyunlarının proqramına yeni olimpiya növlərinin salınması təklif olunub

III Avropa Oyunlarının proqramına yeni olimpiya növlərinin salınması təklif olunub
26-10-2019, 17:45

Avropa Oyunlarının Koordinasiya Komissiyasının sədri Spiros Kapralos qitəmiqyaslı yarışın maliyyə cəhətdən daha dayanıqlı olması üçün vasitələr tapmağa çağırıb.

NAXCİVANXEBERLERİ.COM-un məlumatına görə, bu barədə yunanıstanlı funksioner Avropa Olimpiya Komitələrinin Polşanın paytaxtı Varşavadakı Baş Assambleyasında "Minsk 2019" II Avropa Oyunlarının yekunlarına həsr olunmuş məruzəsində bildirib. Kapralos 15 növ üzrə 4082 idmançının çıxış etdiyi yarışın Avropa Oyunlarının brendinin və EOC-un nüfuzunun möhkəmləndirilməsindəki rolunu vurğulayıb. Bununla yanaşı, o, 2023-cü ildə Polşanın Krakov şəhəri və Malopolsk regionunda keçiriləcək III Avropa Oyunlarında daha da yaxşılaşdırılması lazım olan bir sıra məsələləri sadalayıb.

Kapralos yayım gəlirlərinin Oyunların dəyərini qarşılamadığını açıqlayıb. O, proqrama sponsor gətirən idman yarışlarının salınmasını və qazanc əldə etmək üçün reklam potensialının artırılmasını təklif edib. Məsul şəxs Avropa Oyunlarının proqramındakı növlər üzrə yarışların Yay Olimpiya Oyunlarına təsnifat xarakteri daşımasının vacibliyini də vurğulayıb. Təcrübəli funksioner xüsusən, qayayadırmanma, skeytbordinq və breyk-dans kimi yeni olimpiya növlərinə diqqət çəkib.

Koordinasiya Komissiyasının sədri təşkilatçılara Avropa Oyunları üçün obyekt tikintisinin məhdudlaşdırılması prinsipinə sadiq qalmalarını, əvəzində idman qurğularını təmir etməyi və daha yaxşı vəziyyətə gətirməyi məsləhət görüb.

Qeyd edək ki, ilk Avropa Oyunları 12 - 27 iyul 2015-ci ildə Bakıda keçirilib.

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Aralık 2021    »
PtSaÇrPrCuCtPz
 12345
6789101112
13141516171819
20212223242526
2728293031