SON DƏQİQƏ

naxcivanxeberleri.com

Üzgüçülük üzrə Naxçıvan şəhər birinciliyi keçirilib

Üzgüçülük üzrə Naxçıvan şəhər birinciliyi keçirilib
11-09-2019, 23:27

10 sentyabr 2019-cu il tarixdə Naxçıvan Şəhər Üzgüçülük Mərkəzində “Zərərli vərdişlərə yox deyək, həmişə sağlam olaq” devizi altında yeniyetmə və gənc oğlanlar arasında üzgüçülük üzrə Naxçıvan şəhər birinciliyi keçirilib.
Naxçıvan Muxtar Respubilkası Gənclər və İdman Nazirliyinin mətbuat xidmətindən NAXCİVANXEBERLERİ.COM-a verilən məlumata görə, birinciliyin keçirilməsində məqsəd yeniyetmə və gəncləri zərərli vərdişlərdən kənarlaşdırmaq və onları sağlam həyat tərzinə uyğunlaşdırmaqdan ibarət olmuşdur. Birincilik Naxçıvan Şəhər Gənclər və İdman İdarəsi və Naxçıvan Şəhər Üzgüçülük Mərkəzinin birgə təşkilatçılığı ilə keçirilmişdir. Üzgüçülüyün sərbəst üsulu üzrə 25 metr məsafədə keçirilən yarışda 3 yaş qrupunda 20 idmançı iştirak etmişdir. Yarışın yekununa əsasən, 2003-2005-ci il təvəllüdlü idmançılar arasında Qalabəyi Məmmədov, 2006-2008-ci il təvəllüdlü idmançılar arasında Vaqif Əsədov, 2009-2010-cu il təvəllüdlü idmançılar arasında isə Oğuz Məmmədov I yerlərə layiq görülərək qalib adını qazanmışlar. Sonda hər yaş qrupunda yer tutan idmançılara Naxçıvan Şəhər Gənclər və İdman İdarəsinin diplomları təqdim edilmişdir.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Eylül 2019    »
PtSaÇrPrCuCtPz
 1
2345678
9101112131415
16171819202122
23242526272829
30