SON DƏQİQƏ

naxcivanxeberleri.com

HDQ-nin taktiki təlimlərində 1000-ə yaxın şəxsi heyət, 43 gəmi və kater iştirak edir

HDQ-nin taktiki təlimlərində 1000-ə yaxın şəxsi heyət, 43 gəmi və kater iştirak edir
22-06-2021, 16:30

Azərbaycan Respublikasının müdafiə nazirinin təsdiq etdiyi 2021-ci il döyüş hazırlığı planına əsasən, Azərbaycanın ərazi sularında ölkəmizin hərbi, siyasi, iqtisadi maraqlarına yönəlmiş təhdidlərin qarşısının alınması, Xəzər dənizinin Azərbaycan sektoruna aid hissəsində enerji infrastrukturunun müdafiəsi, mühafizəsi, bununla yanaşı, sualtı neft-qaz boru xətlərinin monitorinqinin təşkil olunması məqsədilə Azərbaycan Hərbi Dəniz Qüvvələri (HDQ) birləşmələrinin bu gündən təlimləri başlayıb.

NAXCİVANXEBERLERİ.COM xəbər verir ki, bunu Azərbaycan Respublikası Hərbi Dəniz Qüvvələrinin komandanı, kontr-admiral Sübhan Bəkirov iyunun 22-də jurnalistlərə müsahibəsində deyib.

S.Bəkirov bildirib ki, təlimlərdə HDQ-nin döyüş gəmiləri dəstəsi, döyüş təminatı gəmiləri, təminedici gəmilər dəstəsi, dəniz piyada briqadası iştirak edir. Təlimin əsas məqsədi gəmi taktiki qruplarının müxtəlif şəraitlərdə döyüş hazırlığı fəaliyyətlərinin təşkil olunması, birgə əməliyyat planlarının işlənilməsi, şəxsi heyətin dəniz vərdişlərinin təkmilləşdirilməsi, gəmi taktiki qruplarının və gəmilərin tək-tək döyüş hazırlığının və onların qarşılıqlı fəaliyyətinin yoxlanılması və bir neçə tədbirlərin həyata keçirilməsidir. İki gün - iyunun 22-23-də keçiriləcək təlimdə 1000 nəfərə yaxın şəxsi heyət, 43 gəmi və kater, iki helikopter iştirak edir.

Təlimlərin üç mərhələdən ibarət olacağını vurğulayan kontr-admiral S.Bəkirov deyib ki, əsas - birinci mərhələdə komanda idarəetmənin gəmidə yaradılması, gəmilərin əsas baza məntəqəsindən çıxışı, patrullama əməliyyatları həyata keçiriləcək. İkinci mərhələdə əsas döyüş tapşırıqlarının yerinə yetirilməsi, suüstü hədəflərin, minaların vurulması və digər tapşırıqlar icra ediləcək. Üçüncü mərhələdə isə qəzaya uğramış gəminin xilas edilməsi, terrorçular tərəfindən zəbt olunmuş gəminin azad edilməsi və sair tapşırıqlar yerinə yetiriləcək. Bununla yanaşı, bütün şəxsi heyət təlimlərlə bağlı təhlükəsizlik qaydaları barədə təlimatlandırılıb. Hərbi Dəniz Qüvvələrinin şəxsi heyəti təlimə tam hazırdır.

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Kasım 2021    »
PtSaÇrPrCuCtPz
1234567
891011121314
15161718192021
22232425262728
2930