SON DƏQİQƏ

naxcivanxeberleri.com

Bu gün “Naxçıvan” Universitetində şəhid Orxan Paşazadənin xatirəsinə həsr olunmuş tədbir keçirilib-FOTO

Bu gün “Naxçıvan” Universitetində şəhid Orxan Paşazadənin xatirəsinə həsr olunmuş tədbir keçirilib-FOTO
5-03-2021, 21:00

Tədbiri universitetin rektoru, dosent Nurlana Əliyeva açıb. Bildirib ki, gənclərimizin vətənpərvərlik ruhunda tərbiyəsində təhsil aldığı müəssisələrin böyük rolu vardır. Uşaq yaşlarında orta məktəblərdə, gənclik illərində isə ali təhsil ocaqlarında onlara vətən sevgisi aşılanır. Biz fəxr edirik ki, təhsil verdiyimiz gənclər öz vətənpərvərliyi ilə fərqlənirlər.

Universitetin mətbuat xidmətindən NAXCİVANXEBERLERİ.COM-a verilən məlumata görə, universitetin ilk şəhid məzunu olan Orxan da öz vətənpərvərliyi, nizam-intizamı ilə həmişə fərqlənib. Tələbə yoldaşlarının, müəllimləri və universitet rəhbərliyinin rəğbətini qazanıb. Hamının yaddaşında yaxşı xatirələrlə qalıb.

   Nurlana Əliyeva Ermənistan silahlı qüvvələrinin bölmələri tərəfindən atəşkəs rejiminin pozulması nəticəsində Qazax Quşçu Ayrım kəndi yaxınlığındakı sərhəd döyüş məntəqəsində xidmətdə olarkən, yəni 1 il bundan əvvəl, məhz bu gün şəhid olduğunu vurğulayıb.

  Sonra universitetin prorektoru, Ali Məclisin deputatı Hüseyn Bağırsoylu və fakültə dekanı Yasin Babazadə çıxış ediblər.

  Tədbirin yaddaqalan məqamlarından biri isə şəhidin atası ilə telefon bağlantısı yaradılması olub. Nazim Paşazadə belə bir tədbirin keçirilməsinə görə universitet rəhbərliyinə təşəkkür edib.Deyib ki, oğlunun xatirəsinin bu cür yad olunması şəhid ailəsinə üçün az da olsa təsəlli verir.

  Ardınca söz şəhidin qrupyoldaşı Siyasət Hüseynova verilib.Tələbəlik illərində Orxanla bağlı xatirələrindən danışan Siyasət Hüseynov, şəhidin nizam-intizamı ilə digərlərindən həmişə fərqləndiyini deyib. Sonra söz tələbələrə verilib.

  Tədbirin sonunda  universitetin rektoru, dosent Nurlana Əliyeva bir daha şəhidlik zirvəsinin ucalığından danışıb. Onların xalqımız tərəfindən əbədi xatırlanacağını vurğulayıb.

  Allah şəhidlərimizə rəhmət etsin !

 

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Nisan 2021    »
PtSaÇrPrCuCtPz
 1234
567891011
12131415161718
19202122232425
2627282930