SON DƏQİQƏ

naxcivanxeberleri.com

Naxçıvan Müəllimlər İnstitutunda məktəb psixoloqları üçün seminar keçirilib-FOTO

Naxçıvan Müəllimlər İnstitutunda məktəb psixoloqları üçün seminar keçirilib-FOTO
5-03-2021, 18:36

5 mart 2021-ci il tarixdə Naxçıvan Müəllimlər İnstitutunda “Məktəb psixoloqunun valideynlər və müəllimlər arasında apardığı psixoloji maarifləndirmə, psixoloji konsultasiya işinin xüsusiyyətləri” mövzusunda seminar keçirilib.

İnstitutun mətbuat xidmətindən NAXCİVANXEBERLERİ.COM-a verilən məlumata görə, seminarda institutun Pedaqogika və psixologiya kafedrasının psixoloq müəllimləri və Naxçıvan Muxtar Respublikası orta ümumtəhsil məktəblərinin 20 nəfər psixoloqu iştirak etmişdir. Seminarı institutun ixtisasartırma və yenidənhazırlanma üzrə prorektoru Çapay Quliev açaraq bildirmişdir ki, müasir dövrdə psixologiya elminin sahələri sürətlə inkişaf edir və həmin sahələrdən biri də məktəbdə psixoloji xidmətdir. Yeni dövr məktəbdə psixoloji xidmətin təşkilini mütəmadi olaraq diqqətdə saxlamağı, müakirələr aparmağı, müasir dövrün tələblərinə uyğun olaraq yeniliklərdən xəbərdar olmağı özündə ehtiva edir. Bu gün  məktəbdə sağlam psixoloji iqlim yaratmaq üçün valideynlərin məktəblə əlaqəsinin düzgün təmin edilməsi və müəllim-valideyn münasibətlərinin inkişaf etdirilməsi günün ən aktual məsələlərindəndir. Bu münasibətlərin düzgün qurulması isə məktəb psixoloqlarının biliklərinin müasir amillər nəzərə alınmaqla təkmilləşməsi əsasında mümkündür. 

         Sonra institutun Pedaqogika və psixologiya kafedrasının baş müəllimi Nüşabə Məmmədova “Məktəb psixoloqunun valideynlər və müəllimlər arasında apardığı psixoloji maarifləndirmə, psixoloji konsultasiya işinin xüsusiyyətləri”  mövzusunda çıxış edərək qeyd etmişdir ki, məktəb psixoloqunun vəzifələri içərisində şagirdlərin məktəbə adabtasiyasında, çətin tərbiyə olunan uşaqların tərbiyə olunmasında valideyn və müəllimlər  arasında aparılan psixoloji maarifləndirmə və psixoloji konsultasiya işi xüsusi əhəmiyyət kəsb edir. Maarifləndirmə və konsultasiya işini həyata keçirmək üçün məktəb psixoloqu valideynləri və müəllimləri maarifləndirici materiallarla təmin etməli, müxtəlif yaş dövrlərinin psixoloji xüsusiyyətləri haqqında söhbətlər aparmalı, valideyn-məktəb əlaqələrinin qurulması üçün mütəmadi tədbirlər həyata keçirməlidir.

         Çıxışlardan sonra mövzu ətrafında müzakirələr aparılmış, məktəb psixoloqlarını maraqlandıran suallar cavablandırılmışdır.

 

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Nisan 2021    »
PtSaÇrPrCuCtPz
 1234
567891011
12131415161718
19202122232425
2627282930