SON DƏQQƏ

“Naxçıvan” Universitetində Pedaqogika və psixologiya kafedrasının təşkilatçılığı ilə  “Şəxsiyyətin formalaşmasında  özgüvən problemi” mövzusunda elmi-nəzəri  konfrans keçirilib.

Universitetin mətbuat xidmətindən NAXCİVANXEBERLERİ.COM-a verilən məlumata görə, konfransı giriş sözü ilə ali təhsil ocağının rektoru, filologiya üzrə fəlsəfə doktoru, dosent Nurlana Əliyeva  açaraq bildirib ki,şəxsiyyətin formalaşmasına müsbət amillər təsir göstərir. Göstərilən amillərin  təsir nəticəsi də müxtəlifdir. Şəxsiyyətin formalaşması müxtəlif dövrlərdə  aktual olmuş və hal-hazırda aktual olaraq qalmaqdadır. Şəxsiyyətin inkişafına təsir göstərən amilləri araşdırmaq üçün onun istiqamətlərini  müəyyən etmək lazımdır. Şagirdlərin tərbiyəvi təsir şəraitində psixi fəaliyyətlərinin qanunauyğunluqlarını, şagirdlərin özünü tərbiyəsini,psixoloji əsaslarını aşkara çıxarmaqla tərbiyə psixologiyası şəxsiyyətin formalaşmasına imkan yaradan həmin təsirlərin mexanizmləri  də öyrənilir.

Konfransda Pedaqogika və psixologiya kafedrasının müdiri  Nəzakət Yusifovanın  “Ailədə uşaqlarda özgüvənin formalaşdırılması” kafedranın müəllimi  Təranə Əliyevanın  “ Tələbələrdə özgüvən  problemi və onun aradan qaldırılması yolları” və Pedaqogika  nəzəriyyəsi və tarixi ixtisası üzrə I kurs magistr tələbəsi Günel Əliyevanın  “Perfeksionizm və onu yaradan səbəblər” mövzularında çıxışları dinlənilmişdir.

Bildirilib ki, özgüvən çox vacib şəxsi keyfiyyətdir.Həyatla baş etməmizi və problemlərlə real olaraq mübarizə aparmağımızı təmin  edər,çətinliklərə  qarşı gücümüzü artırar. Şəxsiyyətin təşəkkül və formalaşmasında mühüm əhəmiyyət kəsb edən özünügerçəkləşdirmə sistemi olmamışdır. O da vurğulanmışdır ki, şəxsiyyətin formalaşdırılmasına yönəldilmiş xüsusi fəaliyyət sahəsidir. Şəxsiyyətin formalaşması daxili və xarici amillərin təsiri altında baş verir.

Sonda konfrans iştirakçılarının sualları cavablandırılıb.