SON DƏQİQƏ

naxcivanxeberleri.com

İdeyadan Biznesə” layihəsinin Naxçıvan turunun keçirilməsi ilə əlaqədar görüş keçirilib

İdeyadan Biznesə” layihəsinin Naxçıvan turunun keçirilməsi ilə əlaqədar görüş keçirilib
18-03-2019, 13:45

“İdeyadan Biznesə” layihəsinin Naxçıvan turunun keçirilməsi ilə əlaqədar Naxçıvan Muxtar Respublikası Rabitə və Yeni Texnologiyalar naziri Rövşən Məmmədov Naxçıvan Dövlət Universitetində olub.
Universitetin Televiziya, mətbuat və ictimaiyyətlə əlaqələr bölməsindən NAXCİVANXEBERLERİ.COM-a verilən məlumata görə,Tədbirdə universitetin rektoru, AMEA-nın müxbir üzvü Saleh Məhərrəmov qonaqları salamlayaraq onları universitetdə görməkdən məmnunluğunu bildirib. Vurğulanıb ki, belə layihələrin həyata keçirilməsi nəticəsində tələbə komandaları azad sahibkarlığın prinsiplərini öyrənir, öz ideyalarını təcrübədə tətbiq edir və əldə etdiyi bilikləri digərləri ilə bölüşdürürlər.
Sonra nazir çıxış edərək Naxçıvan Muxtar Respublikası Ali Məclisi Sədrinin 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamını diqqətə çatdırıb. Ölkəmizdə startap hərəkatının genişləndirilməsi sahəsində həyata keçirilən işlərdən danışan- nazir qeyd edib ki, Ali Məclis Sədrinin xüsusi göstərişi əsasında layihənin icrası məqsədilə nazirlikdə Tədbirlər planı hazırlanıb, bu istiqamətdə müvafiq işçi qrupu yaradılıb. Bildirilib ki, layihənin məqsədi startap hərəkatının genişləndirilməsinə və vətəndaşların innovativ ideyalarının reallaşdırılmasına dəstək verməkdir. Nazir vurğulayıb ki, cəmiyyətin ən aktiv təbəqəsi sayılan gənclərin ideyalarının gerçəkləşməsində bu cür layihələrin əhəmiyyəti böyükdür.
Sonra nazirliyin əməkdaşı Nazim Cəfərli tələbələrə “İdeyadan Biznesə” layihəsi çərçivəsində reallaşdırılan startap turları barədə ətraflı məlumat verib. Uğurlu startapçı olmaq üçün tələb olunan kriteriyalar sadalanıb. Bildirilib ki, innovasiya, texnologiya, fəaliyyət müddəti, əhatə dairəsi, maliyyələşmə startapı kiçik biznesdən fərqləndirir.
Nazirliyin digər əməkdaşı Rahim İbrahimli uğurla nəticələnən startap layihələri, Hüseyn Əsgərli isə tələbələri layihənin proqramı ilə tanış edib. Diqqətə çatdırılıb ki, yeni ideyaların ortaya çıxarılması üçün diskussiyaların təşkil edilməsi, startap komandalarının formalaşdırılması, həmin planlar üzərində təqdimatlar keçirilməsi planlaşdırılıb. Vurğulanıb ki, may ayının 7-8-də isə “İdeyadan biznesə” layihəsinin Naxçıvan turu Azərbaycan Respublikası Nəqliyyat, Rabitə və Yüksək Texnologiyalar Nazirliyi tərəfindən həyata keçiriləcək.
Sonra Naxçıvan Dövlət Texniki Kollecinin tələbəsi Tural Novruzlu, Naxçıvan Müəllimlər İnstitunun Pedaqogika və Psixologiya kafedrasının baş müəllimi, psixoloq Çapay Quliyev, Naxçıvan Dövlət Universitetinin İqtisad fakültəsinin dekanı, iqtisad üzrə fəlsəfə doktoru, dosent Əşrəf Ələkbərov bu istiqamətdə çıxış ediblər.
Qeyd edək ki, bu təşəbbüsə Nəqliyyat, Rabitə və Yüksək Texnologiyalar Nazirliyi ilə yanaşı, Heydər Əliyev Fondunun “Regional İnkişaf” İctimai Birliyi, Azərbaycan Gənclər Fondu, Birləşmiş Millətlər Təşkilatının İnkişaf Proqramı, “Microsoft” və “Azercell” şirkətləri də dəstək verir.

İdeyadan Biznesə” layihəsinin Naxçıvan turunun keçirilməsi ilə əlaqədar görüş keçirilibİdeyadan Biznesə” layihəsinin Naxçıvan turunun keçirilməsi ilə əlaqədar görüş keçirilib

Naxcivanxeberleri.com

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hquq guşəsi
NEKROLOQ

«    Şubat 2023    »
PtSaÇrPrCuCtPz
 12345
6789101112
13141516171819
20212223242526
2728