SON DƏQİQƏ

naxcivanxeberleri.com

Azərbaycana qarşı “Pallone” kampaniyası ABŞ-ın xarici siyasət maraqlarına ciddi ziyan vurur - Piter Teys

Azərbaycana qarşı “Pallone” kampaniyası ABŞ-ın xarici siyasət maraqlarına ciddi ziyan vurur - Piter Teys
4-08-2021, 14:29

Azərbaycana qarşı “Pallone” kampaniyası ABŞ-ın xarici siyasət maraqlarına ciddi ziyan vurur. Bu düzəliş həqiqətən Amerika demokratik standartlarına zərbədir və Vaşinqtonun imicini bütün dünyada pozur.

NAXCİVANXEBERLERİ.COM xəbər verir ki, bunu amerikalı ekspert Piter Teys deyib.

Ekspert bildirib ki, ABŞ Nümayəndələr Palatası “Pallone” düzəlişini təsdiq etməklə son otuz ildə ən böyük səhvlərdən birini etdi, Konqres üzvləri yenə də qarışıqlıq alovunu yandıran erməni təbliğatının və dezinformasiya kampaniyasının qurbanı oldular:

Bu qanun layihəsini qəbul etməklə ABŞ Konqresi erməni avtokratik liderlərinə öz həmvətənlərini soymağa davam etmələri və İrəvan rəhbərliyinin himayəsi altında narkotik və silah ticarətinin çiçəklənməsini təşviq etmələri, xaosun səviyyəsini artırmaları və daha da inkişaf etdirmələri üçün yaşıl işıq yandırdı.

ABŞ Konqresinin Amerika Birləşmiş Ştatları ilə Azərbaycan arasındakı mövcud ikitərəfli münasibətlərə dair müstəqil bir araşdırma aparmadığını, Konqres üzvlərinin xaosun, qarışıqlığın lehinə səs verdiyini və beynəlxalq qanunların pozulmasını dəstəklədiyini görmək çox dəhşətlidir.

Bu gün biz görürük ki, Vaşinqton Qafqaz bölgəsindən tamamilə uzaqdır və erməni lobbiçiləri Azərbaycan hökumətinə qarşı çirkin qaralama kampaniyasını davam etdirmək üçün Pallone kimi başqa müxtəlif konqresmenlərə milyonlarla dollar sərf edirlər. ABŞ Nümayəndələr Palatası bir daha erməni diasporunun əsiri olduğunu sübut etdi, bu isə Amerikanın əfsanəvi demokratik institutlarını ləkələyir”.

Naxcivanxeberleri.com

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Eylül 2021    »
PtSaÇrPrCuCtPz
 12345
6789101112
13141516171819
20212223242526
27282930