SON DƏQİQƏ

naxcivanxeberleri.com

Ermənistan parlamenti aprel döyüşlərinə dair hesabatı qapalı müzakirə edəcək

Ermənistan parlamenti aprel döyüşlərinə dair hesabatı qapalı müzakirə edəcək
4-05-2021, 12:38

Ermənistan parlamenti 2016-cı ilin aprelində Dağlıq Qarabağda baş vermiş eskalasiyanın araşdırılması ilə məşğul olan komissiyanın məruzəsini bağlı qapılar arxasında müzakirə edəcək.

NAXCİVANXEBERLERİ.COM “Sputnik Ermənistan”a istinadən xəbər verir ki, bu barədə təklif çərşənbə axşamı parlamentin plenar iclasında irəli sürülüb. Bunun lehinə 71 deputat səs verib, 1 nəfər bitərəf qalıb.

2016-cı il martın ortalarından etibarən ermənilər keçmiş təmas xəttində atəşkəsi intensiv pozmağa başlayıblar. Aprelin 1-dən 2-nə keçən gecədən başlayaraq isə bütün cəbhə boyu Azərbaycan Ordusunun mövqeləri və yaşayış məntəqələri düşmən tərəfindən intensiv atəşə məruz qalıb. Nəticədə ermənilər aprel ayının 2-dən 5-dək qoşunların təmas xəttində silahlı təxribatlar törədiblər. Təxribatlar zamanı dinc əhaliyə də hücumlar olub. Bu hadisələr nəticəsində Azərbaycan Ordusu şəhid verib, həmçinin mülki əhali arasında ölən və yaralananlar olub.

Döyüşlər zamanı Azərbaycan Ordusu da ermənilərin mövqelərinə cavab zərbələri endirib, həyata keçirilən sürətli əks-həmlə zamanı 2 000 hektardan artıq ərazi azad edilib və daha çox ərazi əməliyyat baxımından nəzarət altına keçib. Goranboy rayonu və Naftalan şəhərinə təhlükə yarada biləcək Talış kəndi ətrafındakı yüksəkliklər, eləcə də Seysulan məntəqəsi düşmən qüvvələrindən tam təmizlənib. Horadiz şəhərinin düşmən təhlükəsindən qorunması məqsədilə Füzuli rayonu istiqamətində yerləşən, geniş ərazini nəzarətdə saxlamaq imkanı verən strateji əhəmiyyətli "Lələ təpə" adlanan yüksəklik də Azərbaycan Ordusunun nəzarətinə keçib. Bu döyüşlər nəticəsində 320 erməni hərbçisi məhv edilib, 500-dən çoxu yaralanıb.

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    May 2021    »
PtSaÇrPrCuCtPz
 12
3456789
10111213141516
17181920212223
24252627282930
31