SON DƏQİQƏ

naxcivanxeberleri.com

“Apple” səhmdarları Direktorlar Şurasının üzvlərini yenidən seçib

“Apple” səhmdarları Direktorlar Şurasının üzvlərini yenidən seçib
24-02-2021, 12:00

“Apple” səhmdarları illik yığıncaqda Direktorlar Şurasının üzvlərinin, o cümlədən şirkətin rəhbəri Tim Kukun yenidən seçilməsinə səs veriblər.

Bu barədə NAXCİVANXEBERLERİ.COM CNBC-yə istinadən xəbər verir.

“Apple”ın direktorlar şurasına Tim Kukdan əlavə, “Boeing”in keçmiş maliyyə direktoru və prezidenti Ceyms Bell, ABŞ-ın keçmiş vitse-prezidenti Albert Qor-kiçik, “Grameen America”nın prezidenti və baş direktoru Andrea Yunq, “College Futures Foundation”ın prezidenti və baş direktoru Monika Lozano, “Northrop Grumman”ın keçmiş başçısı və baş direktoru Ronald Şugar, “BlackRock”un həmtəsisçisi və direktoru Syuzan Vaqner daxildir. “Apple”ın direktorlar şurasının sədri “Genentech”in keçmiş baş direktoru Artur Levinsondur.

Qeyd olunur ki, “Apple” səhmdarları həmçinin rəhbər şəxslərin maaşlarının işçilərin orta əmək haqqı ilə müqayisədə azaldılması təklifinin əleyhinə səs verib. Səsvermə tövsiyə xarakteri daşıyırdı.

“Apple”ın baş direktoru Tim Kuk eyni zamanda şirkətin dividendini artırmağı planlaşdırdığını da açıqlayıb. Onun sözlərinə görə, son dörd rüb ərzində dividendlər 14 milyard ABŞ dollarından çox olub. Şirkət son iki rüb ərzində hər səhmə görə 20,5 sent dividend ödəyib.

1976-cı ildə qurulan “Apple” fərdi kompüterlər, planşetlər, audiopleyerlər, telefonlar, “ağıllı” saatlar və proqram təminatı istehsalı ilə məşğul olur.

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Nisan 2021    »
PtSaÇrPrCuCtPz
 1234
567891011
12131415161718
19202122232425
2627282930