SON DƏQİQƏ

naxcivanxeberleri.com

Ermənistan əhalisi kommunal xərcləri ödəməkdə ciddi problemlər yaşayır

Ermənistan əhalisi kommunal xərcləri ödəməkdə ciddi problemlər yaşayır
1-01-2021, 21:53

Ermənistan əhalisi kommunal xərcləri ödəməkdə ciddi problemlər yaşayır. Ölkə əhalisinin istehlak etdiyi təbii qazın haqqını ödəyə bilməməsi “Qazprom”u narahat edir.

Bu barədə “Qazprom Armeniya”nın baş direktoru Qrant Tadevosyan məlumat verib.

Onun sözlərinə görə, abunəçilər arasında təbii qazın haqqının ödənilməsində problemlər əsasən 2020-ci ilin noyabrında yaranıb. Əhali qrupu arasında istehlak olunan qazın pulunu ödəməmə halları artıb. “Qazprom Armeniya” ödəmələrin bərpa edilməsi üzərində hökumətlə işləyir.

Baş direktor ödəmələrlə bağlı konkret addımlardan çəkindiklərini bildirib. O, bunun səbəbini açıqlamayıb. Noyabr ayı üçün ciddi problemin yaşanmadığını bildirən Q.Tadevosyan dekabr və yanvar aylarında məsələnin daha da ciddiləşəcəyini istisna etməyib.

O deyib ki, Ermənistanda 2020-ci ilin noyabrında ödəməmə halları 2019-cu ilin eyni dövrü ilə müqayisədə kəskin şəkildə artıb. 2019-cu ilin noyabrında ev təsərrüfatlarının ümumi qaz xərclərinin 0,6 faizi ödənilmədiyi halda, bu göstərici 2020-ci ilin eyni dövründə 6,6 faiz təşkil edib. Müəssisələrdə isə bu göstərici 1,1 faizdən 1,6 faizə yüksəlib. 2019-cu ilin noyabrı ilə müqayisədə ev təsərrüfatları arasında ödənişdən yayınanların sayı təxminən 3320-dən 4600-ə yüksəlib.

Müəssisələrdə bu göstərici 1224-dən 1252-yə çatıb. Artım bu məsələ ilə əlaqədar məhkəmələrdə baxılan işlərin sayında da özünü göstərib. Belə ki, bu rəqəm artaraq 834-dən 1104-ə çatıb.

Azərtac

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Şubat 2021    »
PtSaÇrPrCuCtPz
1234567
891011121314
15161718192021
22232425262728