SON DƏQİQƏ

naxcivanxeberleri.com

İnsanların Marsa səyahəti neçəyə başa gələcək?

İnsanların Marsa səyahəti neçəyə başa gələcək?
13-02-2019, 13:51

“Space X” kosmik şirkətinin təsisçisi və rəhbəri İlon Mask gələcəkdə çox sayda insanın Marsa uça biləcəyini açıqlayıb. Onun sözlərinə görə, bunun üçün həmin şəxsin evini satıb, satışdan əldə etdiyi gəlirə kosmik uçuş bileti alması kifayət edəcək.

NAXCİVANXEBERLERİ.COM xəbər verir ki, bu barədə “Hi-News” məlumat yayıb.

Şirkət rəhbəri Marsa səyahət edəcək insanlara xüsusi bonus da təklif edib. Mask Qırmızı planetdən Yerə qayıtmağa görə heç bir haqqın tutulmayacağını deyib.

“Twitter”də izləyicilərindən birinin sualını cavablandıran Mask Mars və ya Aya şirkətin hazırladığı kosmik gəmilərlə uçuş qiymətinin kosmik uçuşların həcmindən asılı olacağını dilə gətirib.

“Əminəm ki, bir gün Marsa uçuş 500 min dollardan az, bəlkə hətta 100 min dollardan az başa gələcək”, - deyə Mask yazıb.

“Space X” şirkəti gələcəkdə “Starship” gəmilərinin köməyi ilə bir uçuşa yüzlərlə insanı Marsa çatdırmaq niyyətindədir. Bu yaxınlarda şirkət ən güclü dartıcı qüvvəsi olan “Raptor” mühərrikinin alovlandırma sınaqlarını keçirib. Həmin raketlərdən mart ayında suborbital sınaq uçuşlarında istifadə olunacaq.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Temmuz 2021    »
PtSaÇrPrCuCtPz
 1234
567891011
12131415161718
19202122232425
262728293031