SON DƏQİQƏ

naxcivanxeberleri.com

Kosmosda qara dəliyin təsvirini yaradan kollektiv “Elm Oskarı”na layiq görülüb

Kosmosda qara dəliyin təsvirini yaradan kollektiv “Elm Oskarı”na layiq görülüb
9-09-2019, 23:14

Dünyanın müxtəlif ölkələrini təmsil edən 300-dək alimdən ibarət kollektiv kosmosda qara dəliyin təsvirini yaratdığına görə “Breakthrough Prize in Fundamental Physics” (Fundamental fizikada irəliləyiş) mükafatına layiq görülüb.

NAXCİVANXEBERLERİ.COM-un məlumatına görə, alimlər arasında “Elm Oskarı” adlandırılan bu mükafatın məbləği 3 milyon dollar təşkil edir.

Alimlər qara dəliyinin təsvirini 2019-cu il aprelin 10-da keçirdikləri mətbuat konfransında təqdim ediblər. Onlar apardıqları tədqiqatları təfsilatı ilə izah etmək üçün “The Astrophysical Journal Letters” jurnalında altı elmi məqalə dərc etdiriblər. Qız bürcünün mərkəzində yerləşən M87 qalaktikasının ortasındakı obyektin fotoşəkilini çəkmək üçün alimlər dörd qitədə olan 87 radioteleskopdan istifadə ediblər.

Bundan başqa, “Elm Oskarı” mükafatı fundamental fizikanın digər nominasiyaları üzrə də təqdim edilib.

“Riyaziyyat üzrə nailiyyətlərə görə” mükafatı amerikalı riyaziyyatçı Aleks Eskinə təqdim olunub. “Tibb sahəsində nailiyyət” nominasiyasının qalibləri isə ABŞ-dan olan genetik Ceffri Fridman, britaniyalı neyrobioloq Men-Yi Li, alman biokimyaçısı Frans-Ulrix Hartl, amerikalı bioloqlar Artur Xorviç və Devid Culius olublar.

Mükafatların təqdimatı mərasimi noyabrın 3-də Kaliforniyada keçiriləcək.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Eylül 2019    »
PtSaÇrPrCuCtPz
 1
2345678
9101112131415
16171819202122
23242526272829
30