SON DƏQİQƏ

naxcivanxeberleri.com

“Dorian” qasırğası Baham adalarına ağır zərər vurub

“Dorian” qasırğası Baham adalarına ağır zərər vurub
2-09-2019, 21:47

"Dorian” qasırğası Baham adalarının şimalına ciddi zərər vurub. Zərbənin episentri Böyük Bahama və Abako adalarının ərazisinə düşüb.

NAXCİVANXEBERLERİ.COM xəbər verir ki, güclü külək yaşayış binalarının damını qoparıb, ağacları aşırıb. Leysan yağışları səbəbindən, avtomobil yolları və yaşayış məskənləri su altında qalıb.

ABŞ-ın Qasırğaların İzlənməsi üzrə Milli Mərkəzi "Dorian”ın ağır nəticələrə səbəb ola biləcəyi və insan həyatı üçün təhlükə törədəcəyi barədə məlumat yayıb.

Hazırda küləyin sürəti saatda 280 kilometrə çatır. Təbii fəlakətin gün ərzində Baham adalarının şimal hissəsinə çatacağı gözlənilir. Sinoptiklərin məlumatına görə, "Dorian” qasırğası nisbətən zəifləsə də, yaxın bir neçə gün ərzində təhlükəli olaraq qalacaq.

Qeyd edək ki, bir qədər əvvəl Florida, Corciya və Cənubi Karolina ştatlarının sahilyanı rayonlarında kütləvi təxliyə tədbirləri görülüb.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Eylül 2019    »
PtSaÇrPrCuCtPz
 1
2345678
9101112131415
16171819202122
23242526272829
30